Thawngpang Chia Taktak! Kawl Ralkap Nih Tuluk IT Experts An Hlaan Cang Hna!

Lamzawh in duhnak langhter le #CDM tha pek, hi pahnih a tuah lo ruang ah a tuahtu nih rammi ciocio ral phun in zoh, uknak kan lak khawh tikah kan in zoh sawh hna lai lo ti phun tete a zeilei paoh in bochan awk ṭha ding ah ruahmi nih nan vun chim le post a tam ngai cang. Tlawmpal tein Sharing tuah ka duh.

Cheukhat Kawl nih ASSK le president thlah i NLD party cozah pek ṭhan tiang #CDM kan tuah lai, lam kan zawh lai an ti. Cheukhat nih Democracy kan hmuh hlan lo, a ti ve. Nang teh atu na tuahmi hi «to what end?» zei na hmuh tiang dah a si lai? 88Generation timi Min Ko Naing, Jymmy te pawl nih cun NLD hruaitu cheukhat nih thla 21 tiang CDM tuah ding an chim. Cu pinlei zeibantuk Strategy dah an ngeih, an kawl lio a si kho men. Zei si hmanh atu ah mipi hruaitu ngei lo in kan um lio a si. A cunglei ka chim bang hi cawlcanghnak hi hmuitinh pakhat a um lo bantuk a si.

Atu ah rammi duh thimnak kan ngei. CDM le hi cawlcanghnak cu ralkap uknak dongh i phunghrampi a thih hlan lo, cun ramkomh bu sining he tlakin Phunghram kan ser hlan lo timi lungput in kan pehzulh lai timi. Asiloah hi ralkap nih uknak an lakmi kum khat ka zoh rih lai, i ramrian ah todan aa cuhmi politicians cawlcangh ka zoh rih lai ti dah. Asinain CDM le atu cawlcanghnak hi naidi inn duah bantuk si loin kan pehzulh ko lai ti ahcun a dih dongh tiang lawlaw kan kal hna a hau. Cuti a si ahcun atu i ai tel lomi zong an i tel te lai.

Ram mipi kan cawlcanghmi hi an i ruahning a si lo tikah Tuluk IT experts an hlaan hna le atu hi Facebook, Viber, Twitter le a dang social media i na cawlcanghnak vialte an in dawi dih cang lai. An duh lomi na postmi vialte DATA an khumh dih lai, i an duh tik paoh ah an in tlaih khawh cang hna lai. Mah hi zapi theih a herhmi a si, ṭhihpheihnak a si lo, atu upadi an i ser cuahmah, 2008 phunghram he i kalh lo ding in.

Internet le phone line phih cu International mawhchiat ding an theih pinah anmah hrim nih rammi Control nakding ah an herh. Cucu an thiam lo le Tuluk IT experts an hlaan hna. Ralkap lei ṭang le Kawl an biaknak lei lungthlen khawhmi pawl biatak tein i kawl le i pehtlaihnak ding ah an herh fawn. Ralkap nih uknak chuh tiang hi kan ram muih ai thawk lawng a si. Kan au le duhnak kan langhtermi hi Non-violence timi hriamnam loin dothlennak kan tuahmi a si, nain a rauh hlan ah thisen le nunnak a liam lai. Cu tikah kan con lai maw, hnu kan kir lai maw, kan maa sual lai maw? Biakhiahnak kan i tuah maw? Zei tiang dah kan kal la?

CDM le atu cawlcanghnak hi a thawk lawng si rih. A kum in, kum hnih thum zong a rau ding a si, rammi lungdongh lo ahcun. Cucaah chim ka duhmi cu ralkap uknak hi ahohmanh nih kan duh cio lo. Nihin i a au lomi, CDM tha a pe lomi zong nih an duh hlei lo. Asinain hi cawlcanghnak i aa telmi hna nih ai tel lomi pawl kha i zoh hna seh, uknak kan lak tik, kan bawi tik cu an i theih lai timi hi ralkap uknak ai thawknak cu a rak si. Ralkap an si lai lo nain tih a nung takmi thil a si.

Dothlennak ah ai tel khomi an um lai ai tel kho lomi an um lai. A biapimi cu zeitiang dah nai timh? Refugee soknak tiang maw, mp i cuh te ding tiang maw, tenders tiang maw, activists tiang maw, asiloah kan ram hi a nak in a raang ah thlen tiang dah? 2008 phunghram tang cozah cu a nak zong si lo, a rang zong si lo, a sen zong si lo, LGBT flag a lo. Cucaah thlen hrimhrim a hau. Cu thlen tiang nai timh ahcun kan in zulh cio ko la. Atu hi a caan a si. Nain na party cozah tlaih tiang sawh, Assk te an thlah hna tiang sawh a si ding ahcun man a ngei lai lo tiah a ruatmi an tampi ti hi cohlang. Ralkap nih uknak a lak le 2008phunghram a thi ti ah ruat lai ci. Mah cu dawh a hman leh hih. Credit: Si Bawimang Lian