Thawngpang Chia Lakah Thawngpang Tha Tuk Vun Theih Cu Thinlung A Dam Deuh!

Myanmar Ram Buai Ruangah India Azam Mi Lam On Tthan A Si,: Kan hnu ah khan Mizoram Cozah le NGOs hna Nih cun ,Myanmar ram ralkap nih UK nak alaak kongkau ah tiin an ti.Myanmar ram buainak kongah Kan unau hna an himnak kawlin Mizoram ah a rak zaam mi hna cu ,Cozah nih dawtnak te he Zohkhenh an silai tiin ,CM.Pu Zoramthang nih cun Assembly Hause ah a chim.

Mahbantuk thiamin ,YMA le MZP le YLA pinah MTP hna zongah ,Kan unau le nih harsatnak an tawn i Kan sin an Ralzaam ahcun Kan kilven hna lai tiin bia thanhnak cathluan an chuah cio kha Kan theih. Mah thawng Kan theih le caangka ,Chin mipi hna cu Kan unau hna cungah lunglawmhnak Kan ngei dih cio .

Sihmanhselaw ,India Unio Home Ministry lei nih cun,Myanmar buai ruangah India ah a rak zaam mi cu tlaih i an ramah kuat Tthan siseh,mah cu, Assam rifles Kut ah chiah i ramri ah an duty lai tiah a chuah caah, Mizoram Cozah pinah NGOs pawl zong an buai pah,ahlei in ,Kan mah Chinmi Kan buai hna i,Pathian sinah thla Kan cam hna.Mah Kan thlacamnak cu, Bawipa nih a theih i lam a Kan on piak Tthan.Amen!.

Mahbantuk in Kan lungre a theih Lio ah nihin 10 March ,2021 chunhnu ah khan, Union Home Minister Amit Shah nih cun, Mizoram CM Pu Zoramthanga cu a rak chonh i, Myanmar ram inralzaam Refugee/ Mizoram ah a rak luut mi hna cu an ram ah kuat Tthan an si lai lo tiin,CM Pu Zoramthanga cu a rak chonh.

Mah hi kong hi,Rajya Sabha MP,Vanlalvena(Puvena nih cun tuzanlei suimilam 7 pm ah khan a rak ka chimh i ,Bawipa sin zongah lawmhnak ka chim,cun,Puvena sin zongah ka chim colh ve.Thlacamnak ngaitu,Bawipa cu thangtthat si koseh. Credit: Pu Tin Duh Thang