Thantlang Um Mi Kan Chin Ralkap Nih Ralhrang Helicopter An Kah

Thantlang Um Mi Kan Chin Ralkap Nih Ralhrang Helicopter An Kah

3 March zanlei sml 3:30pm tluk ah ralhrang langta Mi17 nih TT ralhrang umhmun khuar pawl tirawl le hriamnam a chanh lio hna ah kan vanral thiam rual nih drone in an phomh i, khu luaimai in a zaam lio muicawl.Crd.. Salai William Hlawnceu

Thawngdang>>>>>Good News: Mipi Ralkap Hna Nih Ralhrang Sakhan Le Palek Sakhaan An Kah Hna

Kachin ramkulh, Mohnyin peng Mohnyin Myoma palik sakhan le SAC ralkap sakhan 2 cu kah an ton caah SAC ralkap 2 an thi, tiah Mohnyin PDF in ṭuanvo ngeitu pakhat nih a chim.

March ni 7 zing suimilam 5:00AM hrawng ah SAC ralkap sakhan, Khah Lah Yah 15 le Mohnyin palik sakhan cu KPDF, KIA-PDF hna i bawm in an kah caah ralkap tam tuk hliamhma an pu, sakhan chung ummi ralkap 2 an thi, tiah theih a si.
Cu kahdohnak ah PDF ṭangṭi phu lei in a thimi le aa hliammi kan um lo. Kahdohnak hi zeitik caan paoh ah a chuak khomi a si caah mizapi nih umkal i ralrin le SAC ralkap an umnak pawngkam ah um lo ding in Mohnyin PDF nih ralrin peknak an tuah.

Cu pin ah Mandalay ramṭhen, Taungthar peng Chaungsone khua ah umhmun a khuarmi SAC ralkap cu drone in bomb thlakhnawh an ton caah 2 an thi, tiah Myingyan Battalion 4 Natogyi PDF in ṭuanvo ngeitu pakhat nih a chim.
March ni 6 zanlei suimilam 2:00PM hrawng ah SAC ralkap 35 hrawng nih umhmun an khuarnak cu PDF ṭangṭi phu nih drone in bomb voi 3 an thlak caah 2 an thi i, 2 hliamhma fak ngai an pu, tiah theih a si.

Cu kahdohnak ah Myingyan pengkomh Battalion 4 Natogyi PDF, Myingyan District Drone Strike Team hna i bawm in an kah hna. SAC ralkap nih an kah ve ko hna nain ṭangṭi phu lei in a thimi le hliamhma pumi an um lo, tiah theih a si.