Thantlang Tulio Lam Zawh Kongah Thawngthanmi Remhnak Le Lunghrinhmi Kong!

Thawngthanh mi,remhnak! Tulio cu lamzawh,kong ah misual an i tel lai ti phan cio asi caah mask kan i huh dih hna tik ah minung i palh sual afawi te. Tutan thantlang zong ah lunghrinh mi kong ah Sui Len Tial pasal asi tiah acheu nih an ti, acheu nih kan lunghring an ti ve tik ah lunghrinh mi ah aa tel bantuk in thawng kan in thanh mi hna kha palh mi asi.

A chung le he kan i chawn i atu CDM cawlcanghnak zongah thazaang achuah taktak mi,le amotor hmanh,aa kan hlan tu arak si. Mask kan i huh dih hna ruang ah i,palh cio asi caah aruah zia kan thiam hram ulaw tiah kan inn nawl hna, adang pahnih hna hi cu lunghrinh an si ko, thaizing lei hna an rat than si cun an,konglam thanh khawh kan in zuam than te hna lai. Credit: Ro Lian Thang

Relchih Bak dingmi Cabia tha: Burmese People’s Nationwide CDM Day (15-February-2021) Ralkap Uknak duh lo ruang ah mah pawmcawmnak rian chiahtak in, 15-02-2021 ni ah Burma ram pumpi in CDM tuah asi lai. CDM apui tlinnak ca-ah, atanglei ban tuk in tuah asi lai.

1. Non-violence Resistance: Ralkap nih Mipi Nawlngeihnak (Power) hramhram loin an kan chuh mi, kan duh lo. Cu caah hriamnam hmang lo tein kan duhlonak kan langh ter i, lam kan zawh. Cucu hmual angei tuk mi asi. Kan peh rih lai.

2. Non-cooperation: Adik lomi, ahman lomi, mipi sin in Nawlngeihnak afir mi Ralkap Uktu kan duh hna lo. Kan duh hna lo caah, an sin ah rian ttuan lo le “Zungkai lo” in um asi. Cucu abiapi chinchin. Mipi le Zungrianttuan mi vialte zung kai lo in um asi ah cun, hi Ralkap Uknak cu aruah hlan ah athi hrimhrim lai.

3. Swaraj: “Self-rule” timi “Mah tein Uknak”. Kan duh lo mi Ralkap Uknak tang ah um hrimhrim lo ding. Kanmah te in kan ni “Uk” lai. Atu Kawlram pumpaluk ah “Mah tein Uknak” (Yah-kuat Federation) tuah an thawk cang. Asaang kip ah an mah tein an ni uk. Khua an khan, lai an rel, himnak caah an ni huppheng. Hi hlei in hmual angei deuh mi a um lo. Atthawng tuk. Hmual angei tuk fawn. Kan peh rih lai. Swaraj (Self-rule) hmang in zei dah kan tuah lai?

1. Chinram chung vialte ah: Asaang kip in “Sang Tawlreltu Committee” (STC) tuah ding. STC nih mah le sang cio ah Ralkap nih mi an thlei ah cun, Mipi nih Asaang ning in dirkanh ding. Thawng-inn an kal pi mi hna an um sual asi ah cun; Mipi nih va luh hnawh in, va chuah dih ding.

2. Ralkap Uktu hna nih “Khualtlung Cazin” (Eh-sazin) nan pek lai, an ti mi tuah hrimhrim lo ding. Chinmi kan phung le kan Laiphung ah khual-tlung adaw mi kan si. Kan khual-tlung an himnak, Inn-tek le Mipi nih zoh khenh ding.

3. Ralkap Uktu nih Kawlram pumpi ah “Thawng-tla” misual taktak an chuah hna i, “Thawng-inn” an lawn ter. Ralkap Uknak aduh lo mi thleih in, “Thawng-inn” khah ter an timh. Cucu kan duh lo. Aho hmanh itleih ter kho lo ding in, Mipi kan dir tti lai. STC le Mino nih kan dir-kanh ding. Mipi lungrualnak le tthawnnak nih, Ralkap Uktu atei hrimhrim lai.  Upatnak he, Dr. Lian Hmung Sakhong (2021-02-15)