Thantlang Sandah Piah Cu MP Pawl Muithla Loh In An Lo Dup Tiah Theih A Si!

Thantlang Ah Sandah An Piah Cu An Mualpho Ne Hna: Thantlang Khua chungah ,Ralkap UK Duhlonak mipi nih an langhter hna i,MP an thim thar mi le nikum tiang Mp a si mi pawl cu muithla loh in an lo dup Ko e,an ti.

Atubantuk hna ah hin MP an sinak i an ngamhlo hmanh ah ,Mimal sinak hmangin Sandahpiah ahcun an itel ve bak ding khi an si. Mah timing cun,A nuamhnak tiang lawngah MP tlaih le ttuan maw an itimh hnga aw! Ti hna khi hei Ruah pah an fawi.

Ram le miphun caah MP ttuan tiang ai Tim mi nih cun a tubantuk caan hi,Miphun le ram caah an ngamh Lio caan ding khi a si Sihmanh selaw,Miphun le ram ca silemlo in mah Pumpaak ca Ruah le chungkhar sahlawh,Khuami ca a ruat mi nih cun,Mi kut in rul tlaih an timh Lio caan ah a cang lai,Mah ah hin Laimi Kan ifiang kho cang lai. Credit: Tin Duh Thang

Theih Tha Tukmi Rel Chih: February 1 zing ah ralkap nih nawlngeihnak an lak than mi kong ah Chin ramriantuan (politician) pakhat Pu Richard Zatu nih, Gen. Min Aung Hlaing hi President si a duh, a lam um fawn lo, atu a riantuannak in pension lak a hauh fawn tik ah a ti awk theihlo ah nawlngeihnak a lak, tiah a zumh ning February 3 ah a chim.

“Senior General Min Aung Hlaing hi President si a duh. A lam a um fawn lo. Atu a rian Ralkap Lutlai sinak hin pension lak a cu tuk cang fawn. Um awk a hngal lo. Aa tengtele i 2008 phunghram phungrelnak caang 417 kha i char in lakhruak thil a si, tiin nawlngeihnak a lak mi a si, tiah ka ruah. A ngaingai cu lakhruak caan (emergency-azipawkala) a si hrimhrim lo. Nawlngeih an duh tuk bia khi a si ko,” tiah Ramkheel lei ngiathlaitu Pu Richard Zatu nih The Hakha Times ah a hmuhning a chim.

Pu Richard Zatu nih a peh rih mi cu, “President U Win Myint kha a thanalo in min an thutter nain a duhlo. Ralkap in Vice President-1 U Myint Swe tu kha caankar President an pek. Amah U Myint Swe zong nih cun Gen. Min Aung Hlaing sin ah nawlngeihnak a pek lila fawn. Anmah nih cun, 2008 phunghram hi an i tlaih nain a zuul lotu cu anmah thiamthiam an si. Kum 1 hnu ah thimnak kan tuah lai, an ti mi zong hi Ralkap cu zumh ding an si lo. An duh ahcun thla 6 an sauh khawh. Cun, thla 6 baak an sauh khawh rih thiamthiam tik ah kum 2 hmanh a rau kho mi a si,” tiah a chimchap.

Hi kong hi UN Security council zong ah an chuahpi cang. Anmah lawng an si lo, Russia le Tuluk nih Vito power an hman than. Zeiti a va si hmanh ah thimnak an tuah than tik ah NLD nih a tei than thiamthiam lai i nawlngeihnak cu a pek duh zong duhlo zong ah a pek te ko lai, ti zong a cunglei upa nih a chim fawn! Credit: The Hakha Times/ Pu Richard Zatu