Thantlang Ralkap Sakhaan Khi la Uh Tiah Mipi Kan Au Len, Zeitluk In Dah Khi Sakhaan Khi Laak Dingah Ttih A Nun Nan Theih lo Ahcun Au Sawhsawh Hlah Uh!

Thantlang cu aa lim cang ko i ralkap sakhaan khi CNA hruinak in CDF nih la uh tiah fawi tein zei huaha ruat lomi nih kan au len mi hi kan hruh tuk caah maw a si hnga, zeitluk in dah Thantlang ralkap sakhaan khi lak awk ah ttih a nun.

Inn lo a kaang dih cang i kawng lul in a um mi cu va fuh i vaka khi ttih a nung taktak. Khur chungah SAC ralhrang nih sniper in mi an bawh hoi. Cucu a ho nih dah a fuh colh ngam lai. Thantlang ralkap sakhaan lak nak dingah cun lungfim tein ral a tu mi kan chin ralkap hna nih khua an ruah hnu ah an duh le an tuk lai i an lak te ko lai.

CDF Thantlang comander pakhat nih a chim ning a si ahcun Thantlang lak khi ttih a nung bak a ruang cu inn a kang dih caah i phennak pawl pakhat hmanh a um lo i ttih a nung taktak. Lak tiah cun kan lak khawh ko hnga nain cung lei kan pu le nih an duh rih lo. A ruang cu khikhi lak ding a si ahcun kan chin ralkap minung tam taktak kan nunnak a liam lai ti cu a fiangtuk. Ttih a nung bak caah kan pu le nih lak nak ding ah zei hmanh an kan chimh ruah mi a um lo tiah a chim.

A tu hmanh ah khi Thantlang khuataw lei sianginn sang ah khi ralhrang nih riah buk umnak hmun an khuar mi 2 a um i khi hmanh i chuh le lak a fawi lai lo. Khi ka ralkap hmanh kan dawi khawh rih hna lo ahcun an sakhan khi cu fawi tein lak ngam a si rih lailo. Online in chin ralkap ralchiatnak kong tampi nan tial mi hi khua a ruat lomi deuh si dawh nan si. A caan a phan tik ah an lak te ko lai online in au sawhsawh hi ngol cang hna usih. Miphun lungrual mi si tu i zuam hna usih. Pa Hleih Hlawnceu

MINO LE THILTHAR UMTERNAK
Mino silio ah thilthar umternak te hna, a tharmi hmuhsaknak te hna a um awk asi. Teinak hmuh timi cu a fiangmi thil asilo nain pumpek in thilthar umter-chuahtertu siawk asi. Mah nih umternak, khuaruahnak thar pakhat cu mah nunak kha kaupi in a thlenter khawh.

Thilthar chuahternak timi cu, a tharmi thil pakhat kha umter duhnak lungthin, khuaruahnak thar pakhat kha chiahpiak duhnak lungthin, duhthimnak thar pakhat kawl duhnak lungthin, buainak fianternak ah a áš­hadeuh mi ningcang thar kawl i langhter duhnak lungthin, mi he i komh i pehtlaihnak ah ningcang thar kawl duhnak lungthin, mah pumpak kha ningcang thiamnak thar he lunglawmhter duhnak lung asi.

Thilthar umter hneksak duhnak a ngeilo mi cu nunnak ah caansau teikhawh a har ngai. Mihna hi zeicah hneksak thilthar umternak tuah an duhcio?>>>>Read more>>>
#MinoleThilthar #Chungkhar #Family #RVAHakha

Be the first to comment

Leave a Reply

Your email address will not be published.


*