Thantlang Peng NLD Upa Cu An Lungre Thei Tuk Cang Hih

Atu hi Thantlang NLD pawl cu zohfelnak an tuah cang hna. Thantlang peng NLD nih thimnak ah teinak ahmuh khawhngak hnga Company lei nih tangka in bawmhnak an tuah mi kongah hlathlai hram an thawk ang hna tiah theih a si.

Kum 2020 kawlram thimnak ah NLD nih teinak a hmuhnak dingah hruatiu cu rampi huap in siseh, State huap in siseh, Peng huap in siseh i thim cio te tawlrel cio a si.

Atu hi Thantlang peng chungah thil ningcang loin a kal ti cu a fiang ngaingai cang! Thantlang peng NLD nih teinak a hmuh kawhnak hgna dingah riantuan tu hna nih phungning loin thil an tuah ti cu a fiang chin lengmang!

Cucu Pyine NLD teinak hmutu committee hna nih kan chin ram ramkulh chungah teinak kan hmuh khawhnak hnga caah mi buin bawmhnak tangka lak ding le hman lo dingin tiin nawl an rak chuah!

Sihmanhsehlaw Thantlang peng NLD nih teinak an hmuh khawhnak dingah caah Tender bawmh Company 6 sin in bawmhnak an rak lak. pumpak sin zongin bawmhnak an rak lak. Cucu Thantlang Peng NLD chiarman minthut he online ah phozar a hung si cang aiai!

Cu kong he pehtlai in Bahu NLD tiang a hung phan cang. Bahu nih Chin ramkulh NLD nih tuanvo rak la ko uh! Cun a herhning in rak hlathlai uh an ti hna caah kan hlathlai cuamah lio hna si tiah Chin ramkulh NLD teinak hmuh khawh nak dingah committee hruaitu Salai ISacc Khen nih RFA sinah a chim. Credit: Thechinstar