Thantlang Peng Lungler Kahnak Ah Minung 5 Nih Hliam An Tuar Cang, Biakinn Zong A Rawk tiah Theih A Si

Tu zinglei september 10 i kahnak thawngpang UPDATE : Tu zinglei khan Thantlang, Lungler khua ah CDF le ralhrang kar ah i kahnak fak tak tak a chuak than. Hi i kahnak hi tu zinglei suimilam 5:30 in chuak mi a si. I kahnak Update cu hi bantuk hin a si.

A tu tiang ah Meithal puah thawng a thang cuahmah rih. CDF leiin minung pa5 nih hliam an tuar. Cun mipi leiin pakhat nih hliam a tuar fawn. Khawh lak bomb puahnak in Methodist Church cu a rawk dih tiah theih a si fawn. A tu rih ahcun hi tiang hi Update kan theih khawh mi a si. Update van tuah thankan i zuam than te lai.

Source : TTP

Relchap:Kabawtoe(ကေဘာတူ) hmun in ralhrang phu hna nih umhmun an khuarnak riahbuk 2 cu nizaan suimilam 4:00 hrawngah KNU, KNLA le KNDO nih an lak khawh tiah theih a si.

KNU brigade 3 in Kayin mipi vengtu ralkap KNDO battalion 3 phu le KNU brigade 5 in KNLA phu hna i fonh in KNU,Kayin hmunhma brigade 3 le brigade 5 kar Kabawtoe hmunhma in ralhrang phu hna umhmun khuarnak riahbuk cu doh in kan lak khawh tiah KNU nih a thanh.

Ralhrang phu hna umhmun riahbuk cu kahdoh in lak a si hnu ah, ralhrang phu hna nih cuka hmun pawng le KNU-Mutraw(မူေၾတာ္) pengkomh Yaymupalaw(ယယ္မူပေလာ) khua cu vanlawng in zohfelnak le checkhlatnak an tuah tiah an langhter.

Source-KNU