Thantlang Peng Chin National Party (CNP) Nih Lunglawm Tein Zung An On Khawh Cang

Pathian lam hruai nak thawng in Thantlangpeng Chin National Party (CNP) Chin Miphun Party cu (23.7.2020 ) ni ah lunglawm tein zung kan on cang. Covid -19 zawt nak ruangah minung 5 cung an kan onh lo caah khuate lei party chungtel vialte le Thantlang khua chung member le EC member zong kan in sawm kho hna lo a ruah zia kan thiam hram u tiah miphun min in zangfah kan nawl ko hna.

Chin National Party (CNP) cu Pathian le Chin miphun cungah hrambunh in dirh mi miphun party a si, mizapi ruahnak kha pakhat nak achia mi party, mah tein khuakhan lairel nak le hmun thu nawl neih nak ( local full authority ) a dirpi mi party, top-down system a do mi le bottom-up a kal pi mi miphun party kan si.

Miphun caah raltha tein kan sining dihlak in miphun caah riantuan ai tim mi kan si. Chin Miphun dihlak nih kan dirpi ulaw kan bawm hram ko uh tian miphun min in zaangfah kan nawl hna. Teinak cu Bawipa ta a si. (Jonah: 2-9)

CNP cu Asho Chin in Salai Aye Tun Min nih a dirhmi a si i Magwe ramthen khua pakhat ah zungpi an tuah. Salai Aye Tun Min cu Party Chairman a si i naitan ah a lutmi Pu Lal Maung cu Vice Chairman siseh, Chin ramkulh aiawh in Party Chairman pin ah Thantlang peng Chairman le Pyine Hluttaw No. 1 ah i cuh ding fehternak le tuanvo peknak a tuah.

Source: Lal Maung Cung’s Fb & The Chinland Post 

 304 total views,  1 views today

This function has been disabled for Chin 11 News.