Thantlang Myone CNLD Hruaitu Rianṭuanning Hi

By Kawlramthanga Thlauhthang

Thantlang Myohne CNLD hruainak hi

Hikong chimreel hi a nuamlo ngaimi asi. Asinain, State pakhat chungah an dirhmi, mipi nih hnabeiseinak he an cuanh ṭhupmi le Chin State cozah zong aserkho dingmi party pakhat asi tikah, Myone pakhat chungah Office Bearer (OB) le Executive Committee (EC) pawl rianṭuannak ah dinfelnak aumlo ruangah amin chiatnakin zeimaw tiin ai remh khodeuh hnga maw, ti ruahchan nak in ṭial asi. Abik deuhin Thantlang Myone, CNLD OB le EC pawl nih nihin i kan kalning hi zohṭhan ahau maw/haulo ti an fian khawhnak caah rak sihram seh. Sersiam ahau lai tiah ka ruah mi cu atawinakbik le number thlaih buin ka ṭial hna lai.

1.  CNLD party Headquarters nih atheihpi lomi; party i hruainak phunglam (Constitution) hi Thantlang Myone CNLD party nih angei maw? Angeihsual pingpang ahcun, party hmailei a karhlannak caah aṭhalo ngai² mi asi caah, atu bakin ahrawh ahauko lai.

2. Myone party OB chungah inn le lo, chawva, ngeihchiah hmangin anmah duhning lawng in i hruai nak akalnak lai cawlcangh a hmangmi an um maw? An um sual ahcun, party chungah dictator an hungchuak lai i, kha kha party caah ṭihnung tuk asi caah, ralring tein party OB kha EC hna nih reform tuah aherh tihi philh hna hlah usih.

3. Thantlang Myone chungin MP ai cuh dingmi a thimtu Nomination Committee (NC) hi Headquarters nih an theihpi hna maw? Asiloah, Myone NC nih Hqrs. theihter hmasaloin biakhiah nak a tuahkho maw? MP ai cuh ding an dirnak hmun thiahnak kongah Myone NC duhning lawng in maw an kal lai, mipi duh nak zoh thiam in le Hqrs. duhning in dah?

4. Myone CNLD party Zungah a rak luutmi application kha zeiruangah dah aluut chom tetein an konglam an ceih colh. Aziah a ni le acaan khiak loin le hmun khat teah ceihloin a pikpaakin an peek hna tihi ruah phu ngai asi. Aruang aum lai ti ka zumh.

5. Thantlang Myone chungin MP ai cuh dingmi thimnakah mipi ruahnak le duhning khuate lei party member sinin laak hmasa asi maw? EC le NC duhning lawng in maw thim ansi. Party a ṭhawnnak/adernak le party i a hmailei faak ngaiin adanter khotu asi caah, a sawh² in ruahding asi hrim² lailo. Cupinah, theihpeng ding cu; “Adikmi minung kha adikmi hmunah” (The right person in the right place) kan hmuh khawhnak caah asi rih.

 221 total views,  2 views today

This function has been disabled for Chin 11 News.