Thantlang Khuapi Chung Ah Mifir Thalo Taktak An Umcaah Ralring Tein Um A Herh

Thantlang khua mipi dinti pek nakding ah KBZ Bank nih a hlut mi hna motor pi a battery cu a ho si theih lo mi nih April 5 zaan ah an fir tiah April 6 in Thantlang Sipin Director sin in thawng kan theih.

Hi kong he pehtlai in Thaltang Sipin Director Pu Van Zauk nih “ Thantlang mipi dinti phurh le ngalh nakding ah KBZ Bank nih motor a kan hlut i nizan ah a battery a tlau, cun kan hnu zarh ah thantlang hmunthur hlonhnak motor SKAT battery zong an fir hoi cang” tiah The Voice of Democracy ah a chim.

Atu tan motor Battery tlua a nak hi Thantlang Town Hall le Police station karlak ah kan chiah tawn i khika hmun khi zuding pawl nih zuu an din lengmang nak hmun zong a si. zeitin a tlau le a ho kut in a tlau kan theih lo caah Thantlang police sin ah thawng kan thanh hna. a vui khatnak motor Battery a tlau lio ah Thantlang motor le Motorcycle siamnak (workshop) kip ah kan kawl nain kan hmuh lo. Hi bantuk in mipi ca a si mi thil le Cozah thil a si mi a firtu cu biatak tein kan kawl a herh, kan kawl fawn hna lai i kan hmuh sual hna ahcun an fawi hrimhrim lai lo.

Cun atu motor kan chiahnak hmun pawng ah zuu ding mi kan hmuh hna ahcun tangka Ks. 200,000 dan kan tat hna lai, an liam duh lo ahcun taza kan cuai hna lai tiah a chim chap.

Laknak: The Voice of Democracy

 214 total views,  1 views today

This function has been disabled for Chin 11 News.