Thantlang khua ah bomb a puak than tiah theih a si, mipi zong an lau ngai hna. Mah bom a puahnak hi Thantlan in nitlak leikam myo patline hrawngah si dawh a si tiah an chim. Mah bomb puahnak kongah a thimi le a hliam mi hngalh an si rih lo tiah thawng kan theih.
Mah lawng si loin A hlan ah ke in rak zulh tawn mi Vanzangtlang lam thing pawng dum zong bomb a puak rih lomi an hmuh than tiah an chim. Hi bomb a puak rih lomi hi kan lak piak uh tiah thawng an thanh cang hna tiah kan theih.
Thantlang bomb puahnak ruangah zahan zongah a thimi an um cang hliam a tuar mi tampi an um. Nihin ah bomb a puah rih nain a thimi le a hliam mi hngalh a si lo . Cun bomb a puak rih lomi zong an hmuh hi a poi ngaingai. Thantlang mipi ralrin a herh ko cang.
Relchap:Tulio thawngpang a linsa taktak mi PDF ralkap minung 50 leng cu ralhrang nih an thah hna tiah theih a si. Mah kongah hin Mizzima nih an dothlat lengmang mah thawngpang hi a dik lomi an puah cop meimei a si tiah fian ternak an tuah. PDF ralkap minung 50 an thi lo tiah fianternak an tuah.
Ralhrang bu nih thawngthanhnak an tuah mi cu nihchuah lei khi a si tiah social media ah soi an tong ngaingai, tlangcung hriamtlai dihlak hna i ralring uh, PDF pawl hi hriamnam pe hna hlah uh, cun an sin zongah training kai ter hna hlah uh tiah ralhrang lei nih thawng an thanh.
PDF hrimhrim he i pehtlai hlah uh, a tu uknak tham cu a fek mi cozah a si lo, 2023 ah pei thimnak kan tuah lai i teitu a si mi nih uknak cu an kalpi ko lai cu tiah an chim chih. PDF hrimhrim hriamnam bawm hna hlah uh tiah ralhrang pawl nih tha tein ralrinnak an pek hna.Mizzima
Leave a Reply