Thantlang CDF Nih Ralhrang Minung 15 An Thah Hna, Tampi An Hliam Fawn Hna

Chinland Defense Force-Thantlang nih ralhrang 15 hrawng an thah hna
September 6 ah Hakha le Thantlang kar hmun pakhat ah ralhrang thazaang 80 hrawng le CDF Thantlang i kahnak a chuak ralhrang 15 nak tlawm lo an thi hliammi an tam tiah theih a si. CDF Thantlang in hliammi an um lo #Chinland Defense Force #CDF-Thantlang

Relchap:Tuzing September 7 ah KNU/KNLA brigade 4, Beik, Dawei district, Lemula peng, Pulaw area chugah KNLA le KNDO fonh in ralhangbu he an i kap tiah theih a si.

Ralhrangbu hna hi KNLA brigade 4 ramchungah tampi an luh ruangah KNLA le KNDO battalion 7 hna fonh in Panami khualu ah an kah mi a si. Ralhrangbu lei cu an tam ngai, Khuami cheukhat an zaam.Zinglei suimilam 10 le cheu tiang an i kap.

I kahnak a chuah hnuah ralhrangbu mawtaw 30 hrawng KNU ramchung Thikhi lei ah an kal. Pulaw lei zong ralhrangbu mawtaw 40 hrawngin an i chawk tiah khuami hna sin in theih a si.

Hi kong he pehtlaihin KNU Beik district chimnak nawlngeitu P’do Saw Pa Law Soe Win nih; ralhrangbu hna hi PDF pawl an um lai ti an zumhnak hmun kip ah an kawl hna. A tu an umnak hmun hna lawng a si lo. Mahtin a si caah i kahnak zong a chuak than kho mi a si tiah a chim.
Ref; KIC;TCP