Nihin Thantlang raldohnak kong he pehtlai in CDF-Thantlang nih cathanh an tuah, cun Thantlang chung ralkap cihmih ding in ralrin peknak zong an langhter chih.
CDF-Thantlang cathanh: Nihin September 9, 2021 chun suimilam 1:00PM in Uico Ralkap le Thantlang CDF karlak raldohnak a chuak. Ralkap lei in minung pahnih an thi i kan mah CDF-Thantlang lei cu kan him dih.
Uico ralkap lei nih Khuami le mipi umnak ah an duh paoh in hriamnam ngan an kah ruang ah khuami minung (4) hliam an tuar lawng si loin khuami inn pakhat zong hriamnam ngan in an kah ruang ah ciamdih lak in a kaang fawn.
Uico ralhrang lei nih Thantlang mipi cung ah a phunphun in rialdipnak, Zaantlai hnu ah khualtlung cazin check nak ti bantuk le mipi humhimnak an hnorsuan chung paoh cu CDF-Thantlang nih kan zoh sawh hna lai lo, an cihmih tiang in kan doh hna lai tiah an langhter hi asi.
Uico Ralkap Pawl Thantlang Inn Kip Ah An Lut Cuahmah Hoi Cang Hih
Thantlang khuachung ah SAC ralkap nih innkip ah lut in phone an chek, ramkheel he aa pehtlai mi phone ah a um lo le umblo an chek mi a si men lai, tiah khua mi nih an chim.
”Thantlang khuachung ah ralokap nih mi inn kip ah lut in phone chek le hlathlai tibantuk a um len.
Khuachung um mi nih kan phone thianh daithlang hlah usihlaw!!” tiah Thantlang Revolutionary Campaigner nih mizapi ralrin ding an thanh.
Thantlang ah Thla 9 Bawhte Telh in Khuami 4 an Hliamh Hna
Nihin Thantlang khuachung kahdohnak ah thla 9 lawng a si rihmi bawmhte telh in khuami sawhsawh minung 4 hliamhma an pu, tiah thawng kan theih.
Hliamhma a pumi hna cu:
Pa James Van Bawi Lian (thla 9)
Nu Jenifer (kum 15)
Nu Van Hawn Cuai (kum 23)
Pi Sui Ci (kum 55)
Hliamhma a pumi minung 4 lak ah kum 15 a simi Nu Jenifer hi a hliamhma a fak i, a dang pathum hi hliam fak lo an keng hna. Nu Van Hlawn Cui le bawhte James Van Bawi Lian cu inn ah an ttin kho cang.Kokek journal
Leave a Reply