Thantlang ah Bomb nih a Tlakmi Inn Pakhat a Kaang ; Thantlang, Biakinn sang ah khuami inn pakhat a kaang cuahmah. A kaangmi hi Pu Chan Vung te inn a si tiah khuami nih The Chin Journal ah an chim.
Nazi 1 hrawng kahdohnak ah mipi lei in aa hliam mi zong an um tiah theih a si nain ho khi dah an si le zeizat dah an i hliam ti cu fiang in theih a si rih lo.Kum 15 nungak kaa te zong kuan nih a tlak caah faak ngai in a tuar tiah theih a si.
Relchap:Kayin ralkap KNU le ralhrang phu kar kahdohnak kong,KNU nih ralhrang phu umnak sakhan an lak khawh tiah thawng theih tik ah online cung ah rianrang in tarlangh lo ding theihter nak cathanh cu KNU nih nihin ah a chuah.
“Hmunkhat ah tan pi ding in nawlnak” tiah tlangtar in theihternak cathanh an chuah mi ah kahdohnak le cawlcanghnak thawng cu online cung ah rianrang in thlah a si ah cun, kan ral hna sin ah thawngthanh cia le theihter cia bantuk a si caah ral kan doh cawlcanghnak ah KNU nih a tuah ding mi timhtuahnak vialte hnahnawhnak a pek khawh tiah an langhter.
” Tuahkel ahcun KNU le ralhrang phu kar kahdohnak a chuah hnu ah ralhrang phu hna nih vanlawng he bomb thlak hnawh in kah nak le , anmah ralhrang phu bawmtu minung an thlah tawn.
Cu ruang ah KNU nih chungtel ralkap vialte kahdohnak a dih hnu a humhimnak hmun an phanh than tik lawng ah online cung thawngzamh ding in kan in nawl hna” tiah an langhter.
The Irrawaddy
Leave a Reply