Thanthlang Khuapi Cu Lungrethei In An Um Ko Hna, Zeiruang Ahdah A Si Hnga An Ti

Luatkhawh lonak Vawlei hin Jesuh sawm u sih

Thantlang cu kamkhat lei in hi ti hin atu lio Coronavirus Covid 19 zawtnak pulrai ruangah zeitin in dah kan i runven lai tiah vansang kan hram lio can ah le, minung thutdirnak, kawl hawlnak le Chungkhar sahlawh, Inn pa chakthlang he hmanh i lenkai chonhbiak um kho lo in lockdawn kan si i zawtnak a chuahpi lai tiah zumhmi paoh hren le thongthlak kan si lio can ah, hitihin Vok zawtnak coronavirus nih a kan den hoi.

Kan Thantlang khuachung ah Vok tamtuk ann thi cang a thlopnak sii zong ann hmu ve rih rua lo e, Cucaah cun ttih a nungtuk i chungkhar mitthli he kan um cuahmah hna, Satthil dang zong an thi len cang ti si hoi.

Kan vawlei khua can hi ruahbak caan si cang ko e.atang lei hmanthlak kha zoh ve hmanh tuarhar ko, hlan lio thlankhur cawhbak in kan zuat vok phumnak caah phaisa le nihlawh dih in caan pek a hau ko cang e, Hi lio ah mi tampi cu khuaruat lo in a hlonh in ann hlonh hna tih a nungtuk caah ttuanvo ngeitu kan pa le hna zong nih hma kan lakpiak hna seh law atha hnga.

Cun Covid 19 zawtnak i lunghrinh mi paoh hren ann si bangin hi Vok a thi mi a rak zuartu minung zong hi hlat i dantat ve ding hmanh ann si, kan Pupa nih ann chimbang kan satthil nih hlah maw kan lu a kan thlan tiawk khin kan si cang, Cun hi tlukin thihnak ann ton ve i phaisa hmuh chimlo adih lei ann si lio ah le vok sa ei hmanh duktla lo in um lio caan ah, nang nih namchan in na thah i phaisa ah na ser, i voksa man ah dawngkhat nih 50000 bami kan um cang ti si.

A tanglei kha zoh hmanh hi lio caan ah cun a man lo in that law a sa kha chungkhat le Inn pa dawtu hna he ei uh law mah kha na hlawknak ah si seh, mitthli he ann um lio ah nang phaisa hmuhnak ah tuak hrim lai cih mu; na vok sa na behmi kha ann phum cuh khor ah. Ka chim duhbikmi cu harnak kan ton lio ah hin zei khua dah kan ruah, kan lung a puam ko rih maw?

Kan mah tein maw i ven kan itimh rih ko lai, hakkaoh, duhfah, mahzawn lawngruah, caan a si ti lo Bawipa sawm caan bak sicang e, kir cang hna u sih, hi vialte sii a ngaitu cu Bawipa Jesuh lawnglawng a si ko e,Amos 4:10 ah rai bantuk kan thlahhnawh hna, Shs law ka sinah nan kir hlei lo ati. 5: 5 ah nun nan duh ahcun keimah sinah ra u, kaa dang ah kal hlah u a ti. kan nun remhtu ah Bawipa nih thluachuah kan pekpiak in kan dam ter hram ko seh. Aman!

Credit: Vanleng Mang

 162 total views,  1 views today

This function has been disabled for Chin 11 News.