Thaizing Zinglei Nazi 6 Am Ah Thah Ding Mi Hna Minung Pali

Supreme court nih biachah nak a tuah cang bantuk in hi hna minung pali cu thaizing (March 3, 2020) zinglei suimilam 6 am ah hritlai in thah ding an si cang. Hi hna minung pali nih hin 2012 lio ah khan Medical University a kai lio mi nu pakhat cu Bus chung ah an rak tleihhrem hnu ah an thah I a ruak cu mi hmuh lo nak ding hmun ah an rak hlon caah police pawl nih felfai tein an dothlat hna hnu ah an rak tleih mi hna an si.

Hi hna minung pali chung in Pawan Gupta nih cun Delhi Supreme Court ah thih dantat nak siloin nunchung thongthlak ding in biachah nak ka tuah piak ko uh tiah a rak nawl lengmang hna nain Delhi Supreme Court nih an cohlan piak duh lo mi a si. Cu ruang ah Pawan Gupta le a hawikom minung pathum Mukesh Kumar Singh, Vinay Kumar Sharma le Akshay Kumar hna cu thaizing March 3 ah hrithlai in thah ding ah biachah nak an tuah piak cang hna hi a si.

Pawan Gupta le a hawikom minung pathum hna hi thih dantat nak in an luat khawh nak hnga ding ah chungkhar lei zong nih fak piin nawlpat nak an tuah piak lengmang mi hna an si ko nain misual phu chung ah ai tel mi an si pinah nu an tleihhrem mi hna le midang cung ah harsat nak an pek mi hna hi a tamtuk cang caah ngaihthiam awk an tha ti lo tiah Delhi Supreme Court nih an ti hna caah thaizing zinglei suimilam 6 am ah hritlai in thah ding an si cang tiah thawngthanh nak zong an hun tuah cang nak hi a si.

Ref: Punemirror

 308 total views,  1 views today

This function has been disabled for Chin 11 News.