Thaizing Suimilam 5: 30 Ah An Thah Cang Hna Lai

India President Ram Nath Kovind nih thi lakin siibawi nungak atlaihhremtu minung 4 hna nih zaangfah an halnak cu avoihnih nak a hnawl piak cang hna. Thaizing zingka suimilam 5:30am ah Delhi khualipi thonginn nganbik Tihar Jail ah hri in an thlai cang hna lai. Misual hna nih hin Aliamcia 16 December, 2012 ah khan Physiotherapy siangakchia nungak (kum 23) cu bus chungah an rak tlaihhrem mi ruang ah thaizing cu hri thlai in thah an si ve cang lai.

Supreme Court ah nawlnak an tuah hnu in a tu cu biaceihnak a um than i Supreme Court zong hin a cohlan kho lo. Supreme Court nih thih dantatnak apekmi cu President sin lawngah appeal tuah khawh a si.  Atu cu New Delhi thonginn lianbik a simi Tihar Jail ah tlaihhremtu minung 4 hna cu hri in thlai an si te lai.

India ram president sinah nawlnak an tuah rih nain President nih nawlnak cu acohlang lo. Misual thlai dingmi hna cu Akshay, Vinay, Pawan le Mukesh hna an si. Sii lei a cawng cuahmah mi nungak an tlaihhrem ah hin report nih a langhter ningah cun, atlangvalpa he an si. Bus an cuan tlawmpal ah Bus chung tlangvalpa cu thir in an tuk i lungfim loin a um. Cu hnu ah anungak cu bus chungah cun an tlaihhrem. An dihlak in an tlaihhrem hnu ah nungaknu hi faktuk in an hliamh rih.

Nungaknu cu achiatha chungah thir zum in an sawh piak. Amah le mah aa hngal ti lo hnu ah bus chungin lenglei ah an hloh hna a ti. Nungaknu hi a rannak in siizungah an tlik pi colh. Nungaknu hi India siizung in ramdang Singapore sizung lei an kalpi ko nain Jyoti hi ahliam hma tuar kho tilo in Singapore ah  a nunnak a liam. Siibawi nih nungaknu cu tha tein an zohtikah achungril vialte a rak pem dih tiah siibawi nih an chim. India ramchung tlaihhrem vialte lakah alinsa bik le tihnung bik pakhat a si. Tutan ah cun misual hna 4 hi hrithlai an si tak tak ko cang lai zumh a si.

 312 total views,  1 views today

This function has been disabled for Chin 11 News.