Thaizing Cu Kan Ram Thimnak A Si Cang Lai

Tulio cu US thimnak a si caah kan ram thimnak kong zong ruah ve a herh caah tawi tein ka rak langhter lai. Thaizing cu Khrihfami nih kan sunhsakmi Zarhpi Ni (Sunday) ni ah vote thlak a si cang lai. Rampi pakhat thimnak ahcun zei ruangah dah Zarhpi Ni thengtheng ahcun an tuah hnga ti zong a ruat bel lomi kan um kho. Hihi tha tein van ruah ahcun Khrihfa mi namnehnak pakhat a si.

Thaizing Vote thlak naa palh ahcun kum nga (5) hngah than a hau lai. Cucaah vote na thlak hlan ah tha tein ruah ta a herh. Kan Biaknak le kan khua kan ram caah zei party dah a tha lai ti tiangin ruah a herhmi a si.

Kanmah kan ram kan vawlei ah Kawl party hna hmunhma kan pek hna ahcun zei ti khin dah kawl party (Kawl  Miphun) nih an kan hmuh lai. Cucaah hodah Chin ram caah a tha lai ti ruah bu tein thaizing cu vote thla cio hna u sih!

Keimah Pumpak ruahnak ahcun Kan Chin ram ahcun Chin thuam aa thuam mi nih hmunhma laa hram ko seh! Kawl taihphung le lungzi nak cun Chin thuam hi kaa ziak deuh pin ah a tha deuh ka ti.  

Photo Credit:  Kiddy Vanchhawng