Thailand Ram China Thlanmual Ah Kawlram Mi 16 An Tleih Hna

Thailand , Sadao District i China pawl thlanmual ah Kawlram mi minung 16 an tleih hna. Malaysia in a raktlung mi an si i phung le daan loin ramri an tan caah . pa 12 le nu 4 an si i naupawi mi 2 an um , naupawi mi pakhat cu 6 atling cang i pakhat hi thla 4 nak a si.

Malaysia ram ah riantuan in an um i, Covid -19 ruangah thlathum chung riantuan kho lo in an umhna, riantuan ding a um lo caah le Covid-19 zawtnak ruangah kawlram i tlung a tim mi an si.

Malaysia agent sinah 15,000 bath an pek i, Thailand ramri tiang an thlah hna. Cuticun Thailand, China pawl thlanmual ah an chiah hna i , Thailand agent nih a hung in lak hna lai tiah a kir tak hna.

Thailand agent nih a hung lak hna hlan ah Thailand palik nih an hmuh hna i an tleih hna ,Covid-19 zawtnak an nei maw nei lo ti zohfel nak an nei lai i ni 14 chung an erhkhumh (quarantine) hna lai.

 87 total views,  1 views today

This function has been disabled for Chin 11 News.