Thailand In Kawlram Ah A Rak Kir Mi Pakhat Siizung An Phak Bak Teah A Thi

Thailand ram ah riantuan ding in a kal hmi hna tampi chung in a tu hi Myanmar ah an rak tlung cuahmah hna lio a si. Tuchun May 4 ah Thailand in a rak tlung mi hna hi Mya-Wa-Dy gate ah minung 44 hrawng an rak lut tiah theih a si.

Cu minung 44 a rak lut mi hna chung in Mesuak siizung ah a rak um cang mi kum 70 putar pakhat zong ai tel ve caah cu putar pa cu Mya-Wa-Dy siizung ah an kal pi I siizung an phak le bak teah a nunnak a liam tiah DVB nih cun a tarlangh.

Hi kum 70 putar pa hi Covid-19 in a thi mi a si le silo cu zeihmanh result a chuak rih lo, cun Mesuak siizung ah a rak um lio I a rak zohkhanh tu pakhat zong siibawi te nih hmundang teah an chiah ko tiah theih a si.

Thailand ram ah a um mi hna Myanmar mi chung in Myanmar ah rak tlung than ding ah min a pe cang mi hna hi minung 25 hrawng cu an um rih I Myanmar-Thailand ramri Gate hmunthum in an rak lut hna lai tiah U Wei Lin Maung nih VOA sinah cun a chim. Thailand ah riantuan mi hna Myanmar mi pawl hi nifatin in Myanmar ramchung ah a thlithup in a rak lut mi zong an um lengmang tiah zong an langhter.

Ref: DVB; VOA

 179 total views,  1 views today

This function has been disabled for Chin 11 News.