Thailand Cozah Nih An Tleih Mi Hna Kawl Miphun Minung 11 Cu Thongtla Motor In An Zam

Thailand cozah nih Kawlram pawl cu Thai cozah nawl buar ruang ah an rak tleih hna I Myah-Oo-Hti lei ah an rak kuat hna. Cu an tleih mi hna chung in minung 11 cu thongtla mawtaw in an kal pi hna lio ah an zam nain minung 2 cu an tleih than hna tiah thawngtheih a si.

Hi minung 11 hna hi Thailand ram phungbuar mi le phungning loin Thailand ramchung ah a lut mi an si tiah sualphawt mi an si hna caah May 2 ah khan Myiah-Oo-Hti police sakhan lei an an rak kuat than mi hna an si. Cu an kal pi hna lio ah cun mawtaw in an zuang hna I minung 11 cu an zam hna nain minung 2 cu an tleih than khawh hna hi a si.

Cu ruang ah Thailand-Myanmar ramri vialte cu security police pawl nih an phihkhar dih I a hohmanh luh chuah nak nawl an pe hna lo.

Covid-19 ruang ah May thla chung ah Thailand ram I rian a tuan mi hna Myanmar miphun pawl cu Myiat-Oo-Hti ah an kuat cang mi hna May 1 ah minung 60, cun May 2 zong ah khan minung 54 an si cang hna. Hi hna pawl hi ni 21 chung hmundang teah an ngandam nak zohfel nak tuah an si lai tiah zong Myiat-Oo-Hti pengkulh hruaitu a si mi U The Za Aung nih a chim.

Myanmar ram ah rak kir ding khawh nak ding ah hin Thailand hrambunh Myanmar Embassy theih pinak tel loin May 2 ah khan pumpak motor cu manfak ngai in an hlan hna I Bangkok in Kawlram ah a rak lut mi hna zong minung tamngai kan um hna tiah ai tel ve mi pakhat nih a chim.

DVB TV News

 197 total views,  1 views today

This function has been disabled for Chin 11 News.