Thailand Ah Ngeihkhat Tthit-Um Nak Nawl An Pek Cang Hna Lai

Thailand ram ah ngeih-khat pawl phungning tein tthit-um nak nawl an ngeih khawh nak hnga ding ah Thailand vuanci pawl nih lungtlin nak an ngeih piak cang hna. Mi vialte nih covo kan ngeih mi le tluk ruannak kan ngeih mi hi upa nak pek in ngeih-khat pawl nih an pahnih lungtling tein tthit-um nak tuah an duh ko a si ah cun minthut he tha tein puai an tuah kho tiah Parliament meeting ah nizan July 8 ah khan lungtlin nak an tuah hi a si.

Asinai ngeih-khat pawl nih tthit-um nak ah minthut nak an ngeih mi certificate tu cu nungak tlangval tthit-um nak ah an hman mi certificate bantuk in a si lai lo i catial ning kan danter deuh lai tiah an chim. Ngeih-khat pawl nih tthit-um nak an tuah tikh zulh ding phun 9 an tuah piak hna.

Cun nu le nu an si ah, pa le pa an si ah nunchung hmunkhat ah an pahnih lungtling tein chungkhar dirh tti an duh ko a si ah cun tthitum nak an tuah kho, asinain kum 17 in a chunglei an si hnu lawng ah cohlan piak an si lai tiah an langhter chih. Cun hringtu nu le pa hna le biaceih bawi nih lungtlin pinak minthut zong a um rih lai i cu cu acozah zong nih kan cohlan ding mi a si.

Cun pahnih lungtlin nak he thennak tuah an duh a si ah cun an ngeih mi chawva cu 50% veve thenh an si lai, an pahnih lungtlin nak he midang fa cawmnak nawl an ngei lai nain midang sinah naupawi ter in kafa tiah laknak ding ah nawlpek an si lai lo. Cun midang he tthit-umnak a tuah bal lo mi an si lai (nu tlawi le pa thlawi pawl ngeih-khat tthitum a ngah lo ti nak si).

Tthit-umnak an tuah cang mi hna midang he nupa sualnak a tuah than a si ah cun a kawphawi cu tangka ceilak a liamh lai. Cun ngeih-khat tthitum nak tuah a duh ko nain phung kan ser mi a zulh lo ah cun kum 10 thongthlak khawh a si lai tiah phung an ser piak hna hi a si.

DVB 

 99 total views,  1 views today

This function has been disabled for Chin 11 News.