Tha A Chia Ngai Ko: UN Pi Nih NUG Cozah Cu A Duhpoh In A Nawnnok Ko Cang Hih

UN Nih NUG A Dehcawh Asi Hnga Maw. NUG Vuanci Pahnih Cu Global Townhall Biaruahnak In An Chuah Hna.

NUG Ramdang Vuanci Pi Zinmar Aung cu biachimh awk an sawm. Deputy Vuanci Pu Mu Zaw U nih a zulh. Meeting tuah awk in Online ah an kai tikah, biachimh nak nawl kan i pe than lai lo.

Cucu Pi Zinmar Aung nih Social Media ah a tar. Meeting Room Global Townhall in lut an sian lo nak aruang cu a tial chih lo.
UN Rengsang pakhat nih lut ter hlah uh, biachimhnak nawl zong pek hlah uh an kan ti caah asi tiah a khirh tu pa nih a ti hna.
Meida kip nih Pi Zinmar Aung an hal nain a leh rih hna lo.

Cu meeting ah a kai ve i, biachimhmi Timor Leste (East Timor) Tamada pa nih UN nih UN cung ah titsa a phoh bak tiah a ti. A ti rih mi cu, UN hi khuaruahhar nan si. SAC le NUG an pahnih in cohlan lo ve ve in nan um awk asi lo tiah a ti hna. Kapkhat ah an dirh sual tiah sualphawt an tih caah mah ti in an tuah hi asi tiah Timor Tamada pa nih social media an a tial.

Hi Global Townhall Meeting cu FPCI hohak nakin Online ah November 5 ah an tuah mi asi. Ram hruaitu le minthang hna lawng sawm in an tuah mi asi.
Pi Zinmar Aung nih NUG hi UN kan cohlan ko uh, Kawlram zalonnak le luatnak cu NUG lawng nih a tuah khawh lai tiah biachimh aa timh mi cu zawng parathlei bantuk asi. A poi tuk hrinhran ko. A tha pah te ko lai ti awk a tha ti lo.
Cucaah mah kutke te le mah ngeih mi tein ralhrang cu kan thluk cang hna aherh ko. Ramdang le UN bochan cu Lungpi ke chuih he aa lawh cang.

Fianternak: Sustaining Peace and Development in a Divided World timi zungzal dindaihnak le Thanchonak kong ceihmai awk ah FPCI (Foreign Ploicy Community Of Indonesia) phu sawmnak in tuahmi UN Zoom Meeting asi.
Reference: RFA.

Be the first to comment

Leave a Reply

Your email address will not be published.


*