Tektlak Ruang Ah Thla2,Chung Minung 25 An Thi

April le May Thla2,chung ah tektlak nak in minung pa 25,an thi tiah theih asi I June ni(1)ni le ni (4) ni ah tektlak nak in pa (13) an thi.

Aluancia June ni (3) ni ah Myait pengkulh ralkap an um nak sakhang ah tektlak nak in nu pa4 le ngakchia pakhat an thi I nu pa7 hliamhma an pu emergency in Sii an thlop cuahmah tiah theih asi.

“Tukum hi nikhua caan achiat atambik mi Kum zong asi I nikhua caan zong atleng ruang ah alinh cem ni tiah percentage an tuah mi zong a um. A linmi daat atam tuk ruang ah tek atlak mi zong atam chin chin. Alinhnak daat asan ruang ah ruah asur, thlachia ahrang,tek le rial tlak nak zong an chuah kho tiah khuacaan zohnak lei ah thiamsang a si mi Daw Khin Cho Cho Shen nih” a chim.

Cu ruang ah kan umkal ning kan I ralrin a herh. Ruahsur lio ah ramlak chuahvah te hna electric tong he neihtuk in inn sak te hna hi tih a nung tuk. Tektlak cu zeitik ah a rak tlak lai tiah theih khawh a si lo nain kan I ralrin khawh ding a si mi cu ruahsur lio ah chawhvah le ramlak kal te hna hi kan hrial deuh a hau.

 122 total views,  1 views today

This function has been disabled for Chin 11 News.