Tektlak Nak In Tang-10 Akai Lio Mi Siangngakchia Anunnak Aliam

Pago ramtheng Zikung khua ah nizan zanlei suimilam 3 ah khan taang-10 a kai lio mi pakhat cu tektlak nak in a nunnak a liam. Hi a nunnak aliam mi pa te hi a min ko Lin Htet a si I hringtu a pa le a nau he leikuang ah sii kah ding in an kal nak ah tek nih a tlak hi a si.

Zikung khua police bawi Kyaw Kyaw nih a chim nak ah cun “hringtu a pa nih Ko Lin Htet le anau hi leikuang ah sii kah ding in an kal hna. Hringtu a pa hi cycle in hmaiah a kal hi Ko Lin Htet le anau hi an ke in duhsah nawn in an kal ve. Ruah tlawmpal a sur pah, cu lio ah cun vanchiat nak ah tek a rak tla mi nih Ko Lin Htet nih a ken I a hmunah a nunnak a liam, cun a nau zong cu tek nih cun a hliam ve” tiah DVB ah a chim.

Kawlram chung ah Kum 2020, January thla thok in May thla tiang tektlak nak voi 34 achuah I minung 16 an thi, minung 8 hliamhma an pu tiah theih asi.

 131 total views,  2 views today

This function has been disabled for Chin 11 News.