Teinak Cu Bawipa Ta! Nawlngeitu Hna Hi Pathian Thimmi An Si!

Nikhat ni ah Michigan thimnak ah nawlngeitu nih Joe Biden cu teinak a hmu cang tiah an fehter! Nihnih ni ah Pennsylvania Governor Tom Wolf nih Joe Biden cu teinak a hmu tiah fehter a si cang. Donald Trump le a Sihni hna cu an tha abaa ngaingai ko cang!

General Services Administration (GSA) nih President -elect Joe Biden sin ah cozah tharser dingin siannak nawl an pek ruangah Joe Biden nih cozah thar cabinet minister pawl cu a thim cang hna. Hi siannak nawl an pek bak ah hin US Cozah biathli herhmi zeipoh Joe Biden nih theihnak nawl a ngei cang. Cu lawng siloin phaisa hmannak nawl zong pek a si bantuk in a tu hi US caah cak taktak in riantuan a tim.

US president-elect Joe Biden nih Wilmington, Delaware ah bia achim i, “America ram hi hnulei kir loin, Vawlei cung hruaitu dingin a tim cang” a ti. America ram economic tungmer ding le zawtnak khamnak ding le vawleicung khuacaan kongah riantuan colh aa tim. America ram ah hin Coronavirus zawtnak in a thimi hna hi, 259,000 an tling cang i, zawtnak a ngeimi hna cu million 12.6 an si. Tih a nung ngaingai ko cang. Joe Biden le a hawi le pawl nih Trump le a hawi le pawl hnawmtam thenh ding a ngei tuk lai tiah ruah a si.

US President-Elect Joe Biden nih a mah he riantuanti a thimmi pawl cu:- · Antony Blinken, Secretary of state.
· John Kerry, Climate change envoyClimate change envoy. · Avril Haines, Director of national intelligence.
· Alejandro Mayorkas, Secretary of homeland security. · Jake Sullivan, White House national security adviser.
· Linda Thomas-Greenfield, US ambassador to the UN.US ambassador to the UN.