Tangka Kuat Tikah i Ralrin Taktak Dingmi!

TANGKA KUAT TIKIH RALRIN TUL, THEIH TENGTENG DINGMI

Myanmar ih tangka nan kuat tikah kyats ting 10 tlun kuat lo uhla a thabik.

Ahrekin inn lam seherhnak thawn vei khat kuat ah tampin an kuatih Falam, Kalay, Yangon le Letpan lamah suah tikih harsa tong tamzet ka thei, ka hnen ih bawmnak i ra diil tu tla 20 lenglo an um zo. Yangon dawr tamsawn ah kyats 500,000 tlun suah a theih lonak zarh 2 a si zo tin kan thei.

Khampat ah kyats 300,000 kan kuatih dawr nihkan suahsak thei nawn lo, Kalay lamah kan ra suah a tul ding an ti. Letpanchaung lam khal an suah thei ve nawn lo, cazin pe duh in pe uhla kan neih tikah kan lo call leh ding ti a si. (Internet line neilo beet ih an buai).

Tahan Wave dawr 100 ah 98 an khar, 100 ih 2 ong sun in malteten suahsak cetco a si ih Wave kuattu an um asile cumi tangka lutmi cu kan lo suahsak thei copcop ding ti a si.

Kan ram boruak zoh tikah kan harsa vivo lai ding, Bank hi thla 3nak pit a si zo ih dawr hi thla khat tluk punghman in an on ngam nawn lonak a si thlang.

Zozo hnen ih tangka nan kuat tikah Wave ih kuat cio a si, kuatnak tuahtu hrang Wave ih thunsak meen cu oltuk. A suah tumtu nulepa pawl le Tahan dawr karlak ah harsatnak tuumpi aum tikha hngilh lotein tangka nan kuat ding asile ting 10 tlun cun kuat lo uhla tui boruak ahcun a fim thlaksawn ding a si.

Kuat malmi cu Wave dawr hrang khalah suahsak a olsam deuh ngenge ding a si, cutin nan inn lamah tangka a thlen a olsam deuh ding.
Duhsaknak thawn…

Credit : CT