Tanghra i cawn dingmi sex education cauk cu siahngakchia an pe rih hna lai lo

Tanghra text book i an telh mi Sex education cu cawnnak neih dingin remh deuh ta a hau ruangah siahngakchia pawl sinah an pe rih hna lai lo, tiah fimthiam nak lei nawlnei tu upa pakhat U Ko Lay Win nih a chim.

” Sex education cauk cu siahngakchia sinah an pe rih hna lai lo, remh dingmi tete a um pah ruangah a si” tiah fimthiam nak lei hruitu U Ko Lay Win nih a chim.

Tuanvo neitu nih felfai te i  an remh hnuah pek te ding a si i, cauk thar bak i van chuah cu a si kho rih lo tiah thei a si.

”An remh dih khawh cun cauk hlun cu cachimtu saya/ma te nih an tleih lai i, siahngakchia pawl an chimh hna lai, siahngakchia pawl sin ahcun an pe hna lai lo. Cu caah sianginn ah siahngakchia pawl put ter i inn ah cauk tinpi lo ding i cawnpiak zong a ngah ko tiah U Ko Lay Win nih a chim chap.

Sex education cauk chungah ‘Htun Htun le Cho Cho’ timi tahchunh nak pawl cu online chungah fak ngaiin soisel a tong.

 153 total views,  1 views today

This function has been disabled for Chin 11 News.