Taklawng Bak I Inn Thianh Tu Pawl Cu Lockdown Caan Hmanh Ah Dinh Caan An Nei Lo

Vuleicung cu a phunphun in riantuan chan a si caah, taklawng i inn thianh tu Company zong cu a rak um ve hna, cucu UK ram ah hi Company hi a um mi a si i, tulio zawtnak lockdown caan ah hin ko tu an nei deuhdeuh caah an rian a tam khun tiah theih a si.

Mi inn an va thianh piak hna ah taklawng in an va thianh i, bit le bawli he an va thianh a si ah cun suimilam pakhat ah UK phaisa in 75 an pek hna i, taklawng bak i an va thianh a si ah cun 95 an pek hna.

An inn thianh man a fak tuk nain a tu lockdown lio zongah hin ko tu le inn thianh ding a tam tuk caah ko tu an nei chinchin. Inn thianh tu nungak pakhat Nikki Belton (Kum 24) nih caan tlawmpal cu zawtnak ruangah kan rian kan i din nain inn i i erh cu thaw a pit tuk i cu caah kan rian cu kan tuan than tiah a chim.

Mask le kuthruk an i bunh i cozah senh nak in an tuan.Nikki Belton nih cun Inn i ierh tuk hi beidong nak a si caah mi dang va lawmh ter hi kan i tinh mi a si tiah a chim.Tak lawng i inn kan va thenh hi ning cu a zak, nihchuak a si nain thinlung a dam i lungtur tiang in a damh khawh, inn chung i a um mi pawl an nih le an i lomh a si ah cun an inn cu a thiang lawlaw tiah a chim.

 78 total views,  2 views today

This function has been disabled for Chin 11 News.