Taj Mahal On Than A Si Cang, Nain Niklhat Ah Minung Zeizat Ah A Chung Luh Khawh A Si Lai Ti An Langhter

India ram ah Coronavirus ruang I thla 3 chung ah phih khar cang mi kumzabu 17 lio ah an rak sak cang mi Taj Mahal pi cu thaizing July 6 in kal a duh mi paoh kal khawh a si cang lai tiah thawngthanh nak an tuah cang. Asinain zawtnak a tamtuk rih caah Taj Mahal a kal mi paoh nih hmurhmuh (mask) tha tein I hmuh peng ding le social distancing tha tein zulh ding, Taj Mahal chung le a pawngkam ah aum mi vampang, lungrual ti bantuk he buidleng pawl zeihmanh tonghtham lo bak ding a si lai tiah an langhter chih.

Cun nikhat ah minung 500 lawng luh nak nawl pek an si lai I cu zong cu group hnih in then an si lai. Cu hlan ah khan cun nikhat ah minung 80000 tluk lengmang luhter an rak si. Asinain zawtnak a tamtuk rih caah pumpak ralrin nak he mask le social distancing than tein zulh I zulh phung an ser mi zulh ko ah cun July 6 thok in a ho paoh kal khawh a si cang.

India ramchung ah hi tluk in Coronavirus in a zaw mi an karh tuk lio caan ah acozah nawl ngeitu lei nih Taj Mahal le New Delhi ah a um mi tuanbia ngei pakhat Red Fort cu on than ding in an ti mi ruang ah soisel an tong ngai ve.

India ngandam nak zung nih July 5, 2020 ah thawngthanh nak an tuah ning ah cun nikhat ah Covid-19 positive an hmuh mi hna hi 24850 an siĀ  nikhat ah 600 lengmang an thi. Cun nihin tiangah positive mi an dihlak hi 673165 an si cang tiah an langhter. Cun India ram chung ah lockdown ruang I rian ngeilo mi hna hi 1.3 billion an si cang tiah na langhter chap.

 138 total views,  1 views today

This function has been disabled for Chin 11 News.