TABC Ramchung Khrihfabu 53 Chungah Khrihfabu 3 Lawng Hlaremh An I Zuam Kho

Salai Elvis|2020 March 2|

Avoi 47nak Thantlang Association of Baptist Churches (TABC) khawmpi le BM Meeting cu Tikir (B) ah Febuary 28 in March 1 tiang an tuah i TABC ramchung Khrihfa bu 53 chung ah Town Churh pathum lawng nih Hlaremh an i zuam kho tiah kan theih.

“Aruang cu Khuate lei Laihlum Mino an tlawm, sianginn kai mi an tam cun zung riantuan zong an tam cucaah hlaremh bu hi an ngei kho hna lo, Town Church lawng hi hlaremh phu a ngei kho mi an si hna, zeidang ngaingai a si lo mah ruang ahcun hlaremh an i zuam khawh lonak a si tiah kan hmuh ning a si.”tiah Dr. Cung Bik nih TCP ah a chim.

Tutan khawmpi ah Hla remhzuamnak Church pathum lawng ai zuammi an si i Pakhatnak JMBC, pahnihnak TBC le pathumnak TCBC hna nih laksawng an hmuh. Mah pin ah minung pakhat hlasa (Solo) zuamnak zong an tuah chih. Cun tutan ah Ordination, Pastor le Pension pek mi hna zong an um.

TBC Hlaremh Phu (Hmanthlak laknak: Annykim)
“Tutan ah Ordination tling sinak kan pek mi hna cu Rev. Tial Uk (Lungler Baptist Church), Rev. Tum Tling (Bungtlang Baptist Church) le Rev. Tin Khar (Belhar Baptist Church). Cun Pastor tling sinak pek mi hna cu Pastor Tluang Zel Thang (Thantlang Baptist Church), Pastor Khar Mang (Thinghual Baptist Church) le Pastor Cung Hnin Thang (Lungzarh Baptist Church) hna an si i Rev. Amos (Farrawn Pastor) cu Pension kan pek.”tiah TABC AGS Rev. Dr Cung Bik nih a chimchap.

Tutan ah cawnpiak tu khuallian CBC GS Rev. Dr. Law Ha Ling an sawm i khualtlung zapi minung 1320 an phan kho. A voi 48nak TABC khawmpi le BM meeting cu Kuhchah khua ah an tuah lai. Tutan Avoi 47nak khawmpi chung an tlangtar “Zumh Tlak Sal Tha” ti a si. Atu lio TABC ramchung ah Khrihfabu 53, Caan tling riantuan tu Partor minung 75 hrawng le Chungtel minung 18,000 tluk an um tiah theih a si.

Ref: The Chinland Post

 238 total views,  1 views today

This function has been disabled for Chin 11 News.