Taang-10 A Awn Ni Ah Tiva I A Nunnak Liam Mi Kha Tuchun Ah A Ruak An Char

Ka-Yin ram Kawh Krat myohne pawngah a um mi Taw-Naw tishor ah August 9 ah ti lio ding in an kal nak ah taang-10 a awng mi pakhat cu tiva ah a rak pam i nihnih chung a ruak an kawl hnu ah tuchun ah khan an hmuh than tiah theih a si.

Mg Chit Win Htun @Phu Khua hi taang-10 a awn mi lawmhnak ah tiin a hawi le he ti lio ding ah tiva i an kan hna nak ah an khua upa nih tihnung a si i kal hlah uh an ti mi hna leng tiang an rak kal i vanchiat nak ah tiva ah a rak pam hi a si.

A ruak hmuh khawh nak ding ah meithat pawl hna le mi bawmchan tu hna nih an kawl len ve ko nain nihnih chung an rak hmu kho ve lo “Nihnih chung fak piin kan i zuam i kan kawl lengmang ve ko nain kan hmu kho lo, cun ti zong a lianh ngai caah le tihnung ngai a si caah kan kawl kho ti lo i kan ngol cang. Asinain tuchun ah khan a ruak hi tiva cung ah a rak i vuan kha kan hmuh than, ti zong cu a lianh ngai caah a ruak lak zong cu kan i harh ngaingai nain kan lak khawh ko” tiah ruak kawl nak ah ai tal ve mi pakhat nih Duwun thawngzamh sinah cun a chim.

Tiva ah a pam mi Mg Chit Win Htun@ Phu Khua hi kum 18 a si i taang-10 kumthum a phit hnua h tukum hi a awn zong a si. Kumthum chung harsa ngai in ai zuamnak ah teinak a hmuh mi lawmhnak ah tiin a hawile he tiva ah ti lio ding an kal nak ah a nunnak a liam hi a si.

Source: Duwun (Burmese-Hakha) 

 111 total views,  1 views today

This function has been disabled for Chin 11 News.