Sweden Ah Cun An Mipi Hi An Zumh Tuk Hna Caah Lokdown An Tuah Velo

Sweden cozah cu coronavirus dohnak ding le a karhcho lonak ding ah tiin an ramchung ah lockdown tuah a herh lo zeicatiah cun an ramchung mipi nih an ngandam nak ding le ram thancho nak ding caah an ngeih mi lungput hi cozah nih kan zumh tuk hna i kan bochan tuk ko hna tiah an chim.

Cun a tulio ah mipi nih an fuhpanh ngai mi hna rawl dawr le baar ngeitu pawl hna zong nih mipi caah ngandam nak tihnung a si lonak ding ah social distance cu felfai tein anmah tein an rak tuah dih ve cang. Sweden cozah nih an thiltuah mi ah a tha tuk tiah mipi nih an thangthat ngai mi hna cu Sweden ramchung ah coronavirus in a thi mi le a zaw mi an rak um hlan ah khan an ram mipi nih ralring tein thawngthanh nak le pumpak cio ralrin ding in an rak chimh cang mi hna hi a si.

Asinain mipi lungthleh nak le ralrin nak lawng bochan in cozah nih lockdown kong ah zungphung an chuah piak ve lo mi hna nih Coronavirus cu a rak kham khawh ti lo caah nizan tiang ah Sweden cozah nih an langhter ning ah cun minung 9141 nih zawtnak rungrul an ngeih cang i a thi cang mi hna hi 793 an si cang tiah an langhter. Sweden ramah cun Baar, rawl dawr le Shopping Mall pawl zong an on rih ko hna.

Hi kong he pehtlai in WHO zong nih Sweden cu ralrin nak a pek i na ram chung ah Kum 70 cung a si cang mi hna, a herh lo ah lengchuah vah tuk te hna le zapi umnak ah kal ve loding in na ram chung ah thawngthanh nak na tuah ding a si tiah zong WHO nih cun Sweden cozah sinah a chim.

Ref: Mizzima

 249 total views,  1 views today

This function has been disabled for Chin 11 News.