Surbung Airpost Hlathar Cu Benjamin Sum Nih A Van Phomh Ko Hih!

Surbung Airpost kong cu tampi chim ding a um ti lo. Tutan cu sunglawi taktak in Benjamin Sum nih Surbung Airpost hla a van sak hi a si. Video ka van chiah Cun a tanglei ah Surbung Airpost kong tling tein rel khawh dingin ka van chiah fawn.

Surbung Vanlawngbual ah fuur-thaal hlan in vanlawng a tum kho lai, tampi kan thilrit aa kan chaan cang lai: Chief Minister Salai Lian Luai

S u r b u n g Vanlawngbual i thilri kan hman mi hna hi a hnu bik chuak lawngte an si ca ah, fuur -thaal hlan in vanlawng a kal kho ko lai kan thilrit tampi an kan chaan cang lai, tiah Chin Ramkulh Cozah Chief Minister Salai Lian Luai nih a chim.

“Surbung vanlawngbual ah vanlawng a tum mi kan hmuh tik ah, an thinphannak vialte zong a tlau dih. A tlamtlin khawh nakhnga Ramkomh Cozah, Ramkulh Cozah le tuanvo ngeitu hna nih biatak tein kan i zuam mi a theipar kan vun hmuh tik ah keimah pumpak hrimhrim kaa lawm tuk.
Hika ah vanlawng a tlungkal kho cang lai i, Chinmi tampi kan thilrit an kan chaan cang lai. Ngandamnak, Ukhruainak, Fimcawnnak, Chawlehthlalnak, Khualtlawnnak le a dangdang ah tampi aa kan bawmh lai. Cun, zeitluk nikhua chiat le mimmei a um zong ah a tum kho peng lai,” tiah CM Salai Lian Luai nih The Hakha Times ah a chim.

Captain Khup Khan Hmung nih, “Surbung vanlawngbual ah vanlawng kan hun tumnak ah hin harsatnak a um lem lo. An hmam mi system zong a tha. Zei tluk nikhua a chiat zong tum khawh a si lai,” tiah The Hakha Times ah a chim.

“Chin Ramkulh ah a voi khatnak vanlawng a tum mi kan hmuh tik ah kan i lawm taktak, hihi tuanbia ah a taang ding mi a si. Chinmi nih tuanbia thar kan tial mi pakhat a si,” tiah Minister Pu Sui Thio nih a chim.

Surbung vanlawng buar hi rili in a san pee 6000’ a si i, vanlawng tliknak a sau pee 6000’ le a kauh pe 100’ a si. Myanmar ramchung ah a sang bik Vanlawngbual a si. Vanlawng a rak tum mi hi, Myanmar National Airline in ATR 72-600 minung 70 tlum a si, tiah kan theih. Credit: The Hakha Times