Supreme Court Ah President Trump Le A Mi Hna An Sung, Obama A Minung Nih An Tei Hna

Supreme Court NIh DACA Program A Nunter Than: Mexico ram lei in US ah phungning loin an nule an pa nih an rak luhpi mi kum tling lo hngakchia, DACA tiah auhmi [ Deferred Action for Childhood Arrivals] minung 65000 renglo cu President Obama nih 2012 ah caan karlak umnak nawl a pek hna I sianginn kai khawhnak nawl tiang a rak pek hna.

Cozah bawmhnak zong tampi an nganh. Asinain President Trump nih phungning loin a lutmi hna cu US nih a ngeihmi immigration phung ning tein tawlrel a duh hna. Mah kong cu tuchun ah US biaceihnak zung sangbik Supreme Court ah an ceih I, DACA program cu dihter lo dingah vote an thlak, 5-4 in bia an chah. Trump a dirpi tu Conservative minung 4 le Obama sermi DACA a dirkamhtu liberal minung 4 veve an si I an I thluk.

Cucaah a donghnak ah Supreme Court Chief Justice John J Robert nih DACA lei ah thimfung a thlak caah 5-4 in President Trump lei an sung. President Trump nih DACA pawl kongah democrats pawl he lunngtlinnak laak hmasa hnu ah DACA pawl cu zungzal umnak nawl pek thai a duh hna. President trump nih US Mexico ramri vanpang chonnak caah phaisa a herhmi zat democrats pawl sin in lungtlinnak laak in kum 10 chungah US citizen tiang pek ding in timhlamhnak a rak ngeih mi a si.

Catialtu: Salai Lairamthang

 212 total views,  1 views today

This function has been disabled for Chin 11 News.