Sui Hmurhmuh (Gold Mask) A Man Fak Taktak Mi A Ngeih Nak Kong Le Mipi An Hmuh Ning A Chim

India ram ah Coronavirus nih fak tuk in a phgak cuahmah hna ruang ah zeitin talin ka him deuh hnga maw tiah ruahchan nak he India mirum pakhat cu Sui in ser mi hmaihmuh (mask) pakhat America $ 4000 dih in a cah hna.

Hi hmaihmuh (mask) kong he pehtlai in a chim mi cu gram 60 hrawng a rit mi a si i niriat chung an ser mi a si tiah Sui hmurhmuh ngeitu  Shankar Kurade nih cun a chim. “Ka hmurhmuh hi a pen mi te zong a si caah a hman nuam ngai, thaw chuah le dawp zong ah hmurhmuh dang bantuk in harsat nak zeihmanh a um lo” tiah  Shankar Kurade nih cun a chim hi a si.

“Sui hmurhmuh (gold mask) nih hin Coronavirus nih a ka khamh kho lai maw khamh kho lai lo ti hi cu ka hngal kho bak ve lo. Coronavirus in ka luat khawh nak hnga ding ah Sui hmurhmuh lawng hmanh si loin a dang runven nak ka tuah rih mi zong a um” tiah  Shankar Kurade nih cun a chim chap fawn.  Shankar Kurade hi sui a duh ngai mi a si caah leng a chuah caan paoh ah hin sui nazi, sui zungbunh, sui tthi le sui banhrulh tiang in a bunh dih zungzal mi a si.

Cun lampi ka chawh nak poah ah mipi nih keimah he hmanthlak hi an duh tuk i an ka sawm lengmang tiah  Shankar Kurade nih cun a chim. Sui hmurhmuh he shopping ka kal nak hrim ah cun hmanthlak a ka sawm mi hi an tamtuk ning cu a ti ti awk tha an si tiah  Shankar Kurade nih cun a chim.

 150 total views,  1 views today

This function has been disabled for Chin 11 News.