Sualnak Ngeilo Mi Ralhrang Nih An Thah Tuk Hna Caah Khuabawi 60 Leng Nih An Rian Chuak In An Zaam

Ralhraang nih tualchung mipi phungning loin an thah hna caah Ponenagyun peng chung khuabawi 60 nih rian chuah nak caa an chiah.

Rakhine ram,Ponenagyun peng chung ah a um mi tualchung mipi hna cu Ralhraang hna nih phungning loin an thah lengmang hna caah Khuabawi rian a tuan cuahmah mi minung 60 cu tu thla chung ah rian chuah nak caa an chiah tiah theih a si.Ralhraang hna le AA karlak ii a chuah mi kahdoh nak a fak chin lengmang ii ralhraang hna nih khuami hna cu thah nawn , Phungning loin tlaih khih ii taza cuai tibantuk an tuah chin lengmang.

Ponenagyun peng ii khuabawi 1 nih cun “ Ralhraang hna cu an duh poh in khuachung ah an rak lut , thawng thanh nak zeihmanh an kan tuah lo leng ah khua mi hna cu an duh poh in an thah an nawn hna leng ah an tlaih hna ii taza an cuai hna , rlraang nih khuabawi pawl cu zeihmanh ii an kan rel lo caah a tu bantuk thil an tuah hi a si, cu caah Tu thla 18 ah khan rian chuah nak caa a chia mi khuabawi minung 60 kan si, cu hnu ah a chia chap mi zong an um hna” tiah a chim.

Rakhine ram chung ii khuabawi a tuan mi hna cu AA le ralhraang hna karlak ah um a si , kaphnih in tlerhkhawhnak zong a um lengmang ii Nun a him ti lo caah a tu bantuk in khuabawi rian an chuah tak nak zong hi a si tiah Rakhine ram ii ramkhel lei dothlat tu U Phe Than nih a chim ve.

Aluancia November 10 lio ah ralhraang hna cu SinInAGyi khua ah an rak lut ii khuami 10 cu tuksapur in an thah hna leng ah khua zong mei in an khangh ta , a pawng kam minung hna zong an tlaih hna ii an kal pi hna.Cu tin ralhraang nih duhpoh in thil an tuah ruang ah Kyaudaw, Myau Oo le Minpyia khua hna in khuabawi hna zong an rian an rak chuah tak ve hna tiah theih a si.

Be the first to comment

Leave a Reply

Your email address will not be published.


*