Southern Bapitst Hruaitu Nih Trump A Dirkamh: By Salai Lairamthang

America Evangelicials hna lak ah minthang bik pakhat a simi, Richard Albert Mohler Jr. nih 2020 thimnak ahcun President Trump ka vote cang lai tiah Washington Post ah a chim. Albert Mohler cu Southern Baptist Theological Seminary ah President a tuan liomi a si.

2016 lio ah Albert Mohler nih Donald Trump cu a rak zumh lo caah thimfung a pe duh lo. HIlary Clinton zong democratic Party a si i, khrihfa zumhnak he a kalhmi policy an ngeih caah thimfung a rak pe hlei lo. Thimfung thla loin a rak um. Asinain Donald Trum nih mithmuh in khrihfa hna zumhnak a dirkamh, supreme court ah khrihfa zumhnak a dirhpi mi, Supreme Court biaceihtu ding, Neil M. Gorsuch le Brett M. Kavanaugh cu biaceihbawi rian a pek hna caah atu bantuk in a lung a thlennak cu a si. 2020 hnu lei US President Thimnak poah ah ka thih hlan tiang in Republican lawng vote ka pek cang hna lai tiah a chim.

Albert Mohler nih a chimmi cu President kan thim tik ah Khrihfa a simi poah nih kan zoh dingmi cu: nau hrawh, [abortion ] religious liberty [ Zumtu hna zalonnak ] supreme court ah khrihfa zumhnak a dirkamtu [ supreme court nominee ] hna zohchih in thimfung kan thlak ding a si” tiah a chim. 2016 lio ah Evangelicals 80% rengo nih Donald Trump cu vote an pek ti a si. Albert Mohler nih a tuakning ah 2020 ahcun 80% nak in a sang deuh lai tiah a chim.

 290 total views,  1 views today

This function has been disabled for Chin 11 News.