South Korea Ah New Zealand Miphun Minung 3 An Thi

S Korea ram ah lei mimh nak faktuk in a chuak mi ruang ah New Zealand miphun chungkhar pakhat a si mi hna minung 3 nunnak a liam tiah DVB thawngzamh nih a langhte. Hi a thi mi hna chungkhar pakhat in minung 3 hna cu kum 65 a si mi hringtu nu le kum 36 a si mi a fanu le kum 3 a si mi a fapa an si hna tiah S. Korea thawngzamh zong nih an langhter ve ning a si.

Lei mimhnak a chuahnak hmun hi Seoul City in nichuak chaklei ah a um mi Gapyeong khua ah a si i a thimi 13 hna lakah New Zealand ram mi chungkhar hna zong hi an i tal chih ve hi a si. New Zealand ram mi chungkhar hna zong a thi mi hna lakah an i tel ve tiah an theih hnuin a herh mi bawmh chanh nak le an ruak hmuh khawh nak ding ah an si khawh chung in an i zuam ve hna i an ruak zong hi New Zealand ah phakter khawh hna ding in an i zuam cuahmah ko tiah thawngzamh ah cun an langhter.

S. Korea ram ah hin kumm 7 chung ah a caan sau bik le a fak bik mi ruah sur nak a chuak than i ni 42 chung faktuk in ruah a sur mi ruang ah minung 14 an tlau hna i minung 1000 leng cu inn ngeilo dirhmun ah an um cang hna. Lei mimh nak nih an inn a hrawh piak dih hna caah inn ngeilo an tam khun nak a si.

Hi ruahsur nak ruang ah le lei mimh nak ruang ah nizan August 4 tiang ah khan cun lei mimh nak hi a fak ngai peng ko tiah zong an langhter.

DVB

 151 total views,  1 views today

This function has been disabled for Chin 11 News.