Sipin Bawi U Soe Htet Nih Sami Ralzam A Tlawn Hna, Bawmhnak Zong A Pek Hna

Chin ramkulh chung Paletwa pengkulh chung i Kawl ralkap le AA hriamtlai pawl kahdohnak ruang ah Paletwa pengkulh chung ah a um mi hna khuate tamngai hna cu ralzam dirhmun in Sami myoh leiah an rak zam hna.

Cu a rak zam mi hna chung ah cun minung 12 hi fak ngai in meithal le bomh nih a hliam mi hna an si hna i minung 13 hi hliamhma cu an tuar ve ko nain an sining ruahrem deuh ah an chiah mi hna an si. Paletwa pengkulh chun in khuate tam ngai an rak zam mi ruang ah ei-din ti-rawl kong ah lungrethei in an um hna i cheukhat cu an zualhma deuh ngai caah Mandalay siizung tiang a phan mi hna zong an um hna.

Sami myoh chung ah a rak zam mi hna siizung an chiah mi hna chung in a zual deuh le zualdeuh lo in phuhnih ah an then hna i a zual deuh ko tiah an ti mi hna hi minung 12 an si i a zualdeuh lo tiah tiah an ti mi hna hi minung 13 an si hna.

Tuzing ah sipin bawi U Soe Htet nih siizung um mi hna le ralzam pawl cu a va tlawn hna tikah a zualdeuh ko an ti mi hna minung 12 cu minung pakhat ah Ks 50000 cio a bawmh hna pinah a zualdeuh lo tiah an ti mi hna minung 13 cu minung 1 ah Ks 20000 cio in bawmhnak a pek hna tiah Khumi Media Group nih a langhter.

Ref: Khumi Media Group

 183 total views,  1 views today

This function has been disabled for Chin 11 News.