Sipin Bawi Inn Sak An Duh Caah Hramhram In Inn Ngeitu Pawl An Tthawl Hna

Kawlram uknak ngai hi, zeitluk indah zaangfak an si ti cu ruat ve ko hmanh law sipin bawi inn sakpiak an duh caah inn ngeitu pawl cu hramhram in inn hmun an chuh ko hna. Yangon ramthen chung i Mingala Taung Ngeuh myohne ah sipin bawi pawl an um nak ding inn sak an duh hna caah tuanvo ngeitu hna nih inn ngeitu hna pawl cu hramhram in an tthawl hna caah cu an tthawl mi hna cu lungrethei ngai in an um ko hna tiah theih a si.

Hi Mingla Taung Ngueh myohne chung ah hin sipin bawi inn sakpiak nak ding ah hluatdaw nih budget zong a thlak piak cang mi hna a si caah inn hmun ngeitu hna cu hramhram in namchan ngai in an tthawl hna hi a si tiah theih a si. Cu inn an tthawl mi hna cu cozah lei nih inn hmun thar zong pek than an timh hna lo pinah an i tthial kaam nak ding ah zeihmanh zong bawmhchanh nak an pek hna lo caah inn hmun an chuh mi hna pawl cu lungrethei in an um nak zong hi a si.

Hi kong he pehtlai in DVB thawngzamh nih sipin bawi sin ah thawng fiang hal nak tuah ding in an pehtlaih khawh an i zuam ko nain a tu tiang ah cun an pehtlaih khawh rih lo caah zeitindah biafiang a si ti le zeiruang ahdah inn a ngei ko cang mi hna pawl hi hramhram in an tthawl hna nak hi a si ti cu theih a si lo.

Ref: DVB

 169 total views,  1 views today

This function has been disabled for Chin 11 News.