Singer Myo Gyi le A Chungkhar Hna Cu Quarantine Dingin Nawlpek An Si Cang

Yangon Einsen myohne chung ah zawtnak rungrul a kai mi an hmuh hna hnuin cun cozah nawlngeitu hna nih a hohmanh lenkai le chawhvah ti lo ding in nawl an chuah ve cang. Cun biaknak leiin pumhnak service an ngeih nak hmun ah Covid-19 a ngei mi an rak um ve tiah thawng an theih I cu ai pum mi hna lak ah cun minthang Myo Gyi zong ai rak pumhnak hmun le hla a sak nak hmun a si caah Myo Gyi le a chungkhar hna cu Quarantine ding in nawll an ek cang hna tiah Yangon Einsen myone kuzahle nih cun a chim.

Hi kong he pehtlai in “Ko Myo Gyi le a chungkhar pawl Quarantine kan chiah hna nak aruang ah cu an chungkhar humhim nak le ngandam nak caah santlaih nak a ngei mi siseh tiah kan duh caah a si. An sining kong ah lungretheih le thinphang in um ding zeihmanh a um lo. A tu ah cun an ngandam nak a tha” tiah zong yangon Einsen kuzahle nih cun Duwun thawngzamh sinah a chim hi a si.

Einsen ah zawtnak akai mi pawl kan hmuh mi hna hi pumhnak an ngeihnak hmun in zawtnak rungrul an I chawnh hi a si caah mi zeidah hi zawtnak a ngei mi le cu pumhnak hmun ah a um hna kha a si khawh chung in an hlathlai cuahmah ko hna. Nihin tiang ah cun Einsen sizung ah minung 13 kan check-up cang hna. Cun cu pumnhak an ngeih nak hmun ah cun Myo Gyi zong a um ve mi a si caah Quarantine kan chiah nak hi a si ko. Adang kan theih mi hna zong Quarantine kan chiah ko hna lai” tiah a chim hi a si.

Ref: Duwun

 192 total views,  1 views today

This function has been disabled for Chin 11 News.