Singer Myo Gyi Covid-19 Positive Ti Mi Ruang Ah A Nupi Nih Fianter Nak A Hun Tuah

April 12, 2020, chunhnu suimilam 2 ah khan Yangon Einsen myohne ah Covid-19 positive minung 7 an hmuh chap rih hna tiah ngandam nak lei lutlai hna nih thawngthanh nak an rak tuah. Cu thawngthanh nak an tuah mi chung ah cun Yangon Einsen ah a um mi kum 44 hlasak thiam (singer) minthang pakhat zong ai tel ve tiah Facebook chung ah thawngpang a hunt hang manh ngai I cu cu Myo Gyi a si ko tiah thawngpang hmanlo a rak chuak hi a si.

Cu thawngpang cu chikhat te ah Kawlram chung a hun cul dih manh caah mipi vialte thinphang le ngaihchia in an hun um manh hna I mi tampi nih an ngaihchiat nak le an lungretheih nak kong zong Myo Gyi page ah an rak phozar manh cio hna. Hi kong he pehtlaih in Myo Gyi nupi a si mi Lone Lone Lwin nih a hmuh le cangka in biafiang a hun chim cawlh ve hi a si.

“Case 37 I Covid-19 positive hi Ko Myo Gyi a si lo e…..Ko Myo Gyi caah thinphang le lungrethei in nan um piak mi cung ah kan I lawmtuk hringhran…Pathian nih thluachuah in pe dih ko hna seh” tiah Ko Myo Gyi nupi Lone Lone Lwin nih cun a Facebook ah a rak tial hi asi.

Ko Myo Gyi nupi Lone Lone Lwin nih hi ca a hun tial ah hin suimilam pakhat hmanh a tlin hlan ah mipi pawl cu lunglawmh nak in an hun khah than caah minung 400 dengmang nih an hun share manh hi a si. Ko Myo Gyi hi Covid-19 positive a si hrimhrim lo tiah thawngpang a fiang mi cu a si ko hih.

Source: Duwun

 155 total views,  1 views today

This function has been disabled for Chin 11 News.