Singer Minthang Ni Hta Zong Zawtnak Rungrul (Positive) A Ngei Cang

Rev. David Lah te sinah pumhnak caan a rak hmang ve misinger minthang Ni Hta zong zawtnak rungrul a ngei ve cang tiah thawngthanh nak an tuah.

Singer Ni Hta hi Yangon, Einsen siizung pi ah special treatment an tuah mi a si I tuzing ah result a chuak mi ah cun Covid-19 positive a si tiah Tha Kye Htah myohne hluatdaw Kuzalee nih a chim hi a si.

“Positive a si tihi biafiang a si ko. Singer Ni Hta hi Tha Kye Htah ah ni 8 hrawng a rak um hnu ah Einsen ah a rak thial mi a si. Cun nizan ah khan an chek I a result chuak mi ah positive a si. Cun Tha Kye Htah ah a umnak a inn zong hi lock down tuah ding in thawngthanh le theihter a si cang.

Cun anupi le a fale pahnih hna zong felfai tein chek ve hna ding ah timhtuah cuahmah an I thawngthanh nak zong kan tuah cang hna” tiah Tha Kye Htah myohne kuzalee a si mi U Way Phyo Aung nih cun Duwun thawngzamh sinah a chim hi a si.  Ni Hta hi March 13 thok khan Stay Home rak tuah cang mi a si ko nain March 29 ah khan Rev. David Lah te sinah pumhnak ah a rak kal ve hi a si.

Nihin tiangah official tein thawngthanh nak an tuah ning ah cun Covid-19 a ngei cang mi hna hi minung 85 an si cang hna I cu chung ah a thi mi pali an si cang tiah theih a si. Cun a damthan mi hna hi minung pahnih an si I cu chung ah positive a si ko tiah fehter mi hna chung in minung pali hi Chin state chung in an si ve.

Ref: Duwun

 131 total views,  2 views today

This function has been disabled for Chin 11 News.