Singer Aye Myea Phyo Cu Caminpuai A Nai Cang Caah Lungrethei In A Um Ko

Thangthar hlasak thiam hna le minthang tampi hna lakah mipi nih thazaang pek taktak mi le Myanmar Idol ah Top-3 tiang a phan kho mi Aye Myea Phyo cu tang 10 caminpuai a nai cang caah timh lamh nak fak piin a ngeih cuahmah lio a si.

Aye Mya Phyo hi a hngakchiat lio tein hlasak a rak thiam ngai cang mi le hngakchia lemcang zong ah a rak I tel ve lengmang mi a si caah Myanmar hla hi cu a caah cun a fawituk mi a si I dawh taktak in a sakkhawh mi hla zong a si. Aye Myea Phyo hi Myanmar Idol a lut ah cun kum 16 lawng a si rih I taang 10 a kum 1 nak a kai pah cuahmah lio a si I Myanmar Idol a dih hnu khan Foreign Langue Of University (Yangon) ah miphun dang holh a cawng than mi zong a si.

Aye Mya Phyo hi sianginn a kai buin Yangon pawngkam khuate kip le hmunhma kip ah hlasak an sawm lengmang caah hlasak nak puai kip ah a kal ve lengmang mi a si, cun zuksin chuah ding ah film an I thlak cuahmah lio a si fawn caah caan a ngeih tuk ti lo nak kong cu hi ti hin a a chim.

“A tu lio hi zuksin kan I thlak cuahmah lio zong a si, khuate kip ah hlasak an ka sawm caah caan hi ka deih lo ngaingai ko cun March 18 ah caminpuai a phi cang ding zong ka si fawn caah hlasak le zuksin hi cu ka dinh tak chung a hau ko. Ka caah cun caminpuai (exam) hi a biapi tuk ve mi a si caah fak piin timhtuah zong ka herh ve” tiah Aye Myea Phyo nih cun a chim hi a si.

Source –Cele Gabar

 124 total views,  2 views today

This function has been disabled for Chin 11 News.