Singapore Ah Myanmar Nu Pakhat Nih Mi Thah, Palek Nih An Tleih Ve Cang

Nizan ah Singapore I mithah lainawn nak ruang ah Myanmar nu pakhat kong hi China thawngzamh nih a min le a kong lam tha tein a rak langhter. Palek nih mithah lainawn case in an tleih mi Myanmar nu hi a min ah Mah San Da Htoe (kum 34) a si tiah fiang tein an rak langhter.

Nizan chunlai ah khan Serangoon pawng I inn pakhat ah kum 95 a si cang mi pitar ngai pakhat cu a taang ah namte sawh nak hliamhma he a rak thih mi ruang ah an sinum Myanmar nu kum 34 a si mi Mah San Da Htoe cu lunghrinh in palek nih an rak tleih chung mi a si I tuzing ah keimah nih ka thah mi asi ko tiah biafiang a chim mi. Cu ruang ah Mah San Da Htoe cu thaizing ah biachah nak an tuah piak lai tiah theih a si.

Lianhe Evening News nih a tial ning ah cun thah a tong mi pitar nu hi a min ah Mdm Hong Bi Cai asi I a fapa kum le an fale 3 he khuasa mi an si hna. Cun kan hnu thla hrawng khan Mah San Da Htoe hi sin um riantuan ding in an inn ah a rak phan mi a si tiah an langhter ning a si.

A fapa kum 70 a si cang mi nih palek sinah a chim ning ah cun “kanu sinah sin kum 30 hrawng kan um cang, lam a kal kho lo mi a si caah wheel chair cung ah kan thut ter I a duh herh nak ah inn chung inn leng ai chawk ve lengmang mi a si” tiah a chim.

Cun kan sin um nu he hin an I rem pah lo I bia el sik in caan a hman a tam cang, sin um zong midang kan kawl hna lai tiah kan ruah lengmang lio a si ko nain mi kan hmuh khawh rih lo caah asi. Hi bantuk tiang kan tong lai ti cu kan ruat ve hrim lo tiah zong a chim hi a si.

News:zaobao
Credit/ copied Ko Tin Min

 141 total views,  1 views today

This function has been disabled for Chin 11 News.