Siibawi Pakhat A Nun Buin An Khuapi Nih Mei In An Khangh, Hnamngei A Si An Ti

University College London in siibawi a dih mipa pakhat cu sii lei a cawnnak ah a thiamtuk pinah ai chuahpi mi thiamnak le kokek sii-ai kong a thiam tuk ruang ah an khuami nih hnamngei a si tiah an ti caah a nun bu bakin mei an khangh. Hi thil hi Guatemala ram ah a cang mi a si i hi thawngpang nih hin vawlei pi a lau ter ngai hna.

Mah siibawi pa hi UK nih NGO bawmhnak an rak pek mi hna vialte a tolrel piak tu hna le Guatemala ram ah sii-ai tlamtling a um khawh nak hnga ding ah fak ngai in ai zuam cuahmah mi zong a si. Siibawi pa an thah mi hi a min ah Domingo Choc Che (kum 55) a si i Guatemala ram Chimay khuaah mei in an khangh hi a si. Domingo Choc Che hi a cawn mi fimthiam nak hmanh in chuahpi mi kokek sii-ai lei ah a thiam deuh mi a si i sii-ai caah a tha ding mi thinghnah zong tampi a cin hna.

Aluan cia thla thum lio hrawng kha an khua mi pawl nih Domingo Choc Che hi hnamangei le doihthiam (witchcraft) a si tiah an rak ti pah cang mi a si i cu lio thok cun zeitin dah harsat nak kan pek khawh lai tiin leirawi a rak tim tu hna an rak um cang. Cun June thla thok ka ah khan Domingo Choc Che sinah mizaw pakhat an rak chiah i vanchiat ruang ah Domingo Choc Che nih a rak chanh khawh lo caah a nunnak a liam.

Cu ruang ah mizaw chungkhar hna nih khuami cheukhat pawl an forh hna i “Domingo Choc Che hi hnamngei le doihthiam a si, a thiamnak hmang in khuami pakhat hnu pakhat an kan thah dih cang lai caah Domingo Choc Che hi kan thah veĀ  aherh” tiah an rak ti mi ruang ah mibu nih Domingo Choc Che cu an tleih i a nun buin mei in an khangh dih hi a si. Domingo Choc Che thah nak ah ai tel mi cheukhat zong police nih an tleih pah cang hna nain an dihlak cun an tlai kho rih hna lo.

 185 total views,  1 views today

This function has been disabled for Chin 11 News.