Sianginn Cachim CDM Tuah Mi Pafa Le Minung Pakhat An Tlau

CDM Cachim Tu Le A Fapa Telh In Minung 3 Khualtlawngmi An Tlau!
=====
Sagaing ramtthen Homalin peng Mobailaut (မိုဘိုင်လွတ်) khuami CDM cachim tu U On Hong (ဦးအွန်ဟောင်) kum 50 le a fapa cu January 2 ah Tamu khuapi kalding in cycle he an kal i lampi ah an tlau tiah theih a si.

“Khualtlawn an kalnak lam hi ralhrang Shanni (SNA) hriamtlai an hrantuknak hmun a si i chungkhar hna he nihin tiangah pehtlaihnak an ngeikho rih lo tia” tualchungmi sin in theih a si.

January 5 zongah Tamu peng Tanan khua ummi U Let Khu Lun (ဦးလက်ခိုလွန်) kum 45 cu suimilam 12:00 tluk ah mizei ti theih lo mi hriamtlai phu hna nih an tlaih i an kalpi caah a chungkhar nih pehtlaihnak an tuahkho lo tiah theih a si.
#Source:Zalen

Relchap>>>Ramkhel Ruang Ah Thongtlami 70 Leng Ralhrang Nih An Kah Hna, 2 An Thi Hliamtuar An Tam!
=====
Ayeyarwady ramtthen Pathein ah ramkhel ruang thongtla 70 leng SAC ralhrang le palik nih an kah hna i minung 2 an thi hliamtuar an tam caah sii-inn mawtaw in an phurh hna tiah theih a si.

“January 5 ah thongtla pakhat cu phone hmuh a si tiin an puh ruangah an tlaih i an kalpi caah January 6 zingah thongtla pawl nih thlahtthan dingin an hal i au thawng a thang. SAC ralhrang le palik pawl nih meithal in an kah hna caah 2 an ti hliamtuar an tam tiah” tiah theih a si.
Hliamtuarmi hna lak ah minung 3 cu an nunnak ca thinphang a si tiah theihchih a si.

Thonginn chungah auuthawng theih a si in hmanthla tu a lengmi minung 2 hna zong tlaihkhih an tong tiah theihchih a si.
#Source:Khit Thit Media, Mizzima, Lung Mili Post

Be the first to comment

Leave a Reply

Your email address will not be published.


*