Shan Ramthen Kawl Ralkap Le Palek Cu An Si Vang Tuk Cang Hih!

Shan Ramthan, Muse myo ah Palek sakhan pahnih cu April 11 zanlei suimilam 5 rhawng ah khan a kaang tiah theih a si. Meikaang mi ah hin minung a thi mi an um le umlo langhter a silo. Nai hrawng cu Ralhrang lei an tlachia thluahmah ve, Ralhrang lei zong an thi cuahmah ve.

An sakhaan pawl zong a kang mi a tam ngai cang. A tutan zongah Shanram than, Muse myo ah Palek sakhaan pahnih cu mei nih a kangh tiah theih a si. Hi bantuk in mi cungah zaangfahnak neilo in an cawlcangh peng ko a si ahcun hi nak fak in an tuar chinchin te lai. #Khit Thit Media

Relchih: Kachin ramkulh, ALaw Bum tlang pawng hrangah KIA Hriamtlaih phu le Kawl ralhrang phu cu suimilam 8:00 hrawng in Ralhrang phu nih hriam ngan pipi in le ralhrang thazang tampi in an kah hna tiah thawng theih a si.

Cun, ralhrang phu nih minung thazang le hriam ngan lawng hmang loin Jet Fighter 2 in an phomh rih hna tiah thawngpang theih a si. April 10, 2021 zan thawk in KIA hriamtlaih phu nih an lak cangmi A Law Bum sakhaan he a naihnak Taliku lei in ralhrang phu nih an luhhnawh hna caah zahan thawk in kahdohnak an tuah hi a si.

Nizan le nihin chun tiang ah ralhrang phu nih hriamnam ngan pipi in voi tampi an kan kah peng ko, tiin KIA hriamtlaih phu lei thawngthanhnak lei tuanvo latu le chimhnak nawlngeitu Bohmuukyi Naw Bo nih a chim.

KIA hriamtlaih phu Tatmaha (5) tang um tahzin 30 umnak lei ah kahdohnak an tuah hi a si tiah a chim. Momauk Township um ralhrang sakhaan lei zongah hriamnam ngan he zanlei tiang an kah tiah, Momauk khuami pakhat nih a chim.

Nihin chun nitlak Alaw Bum pawng um Taliku lei lam zongah hriamnam ngan pipi in an kah peng ko tiin Momauk khuami pakhat nih a chim chap. Kawl ralhrang phu nih hriamnam ngan pi in an kah peng caah a pawngkam hrawng khuate pawl cu an zam cio hna tiah theih a si.

Kawl ralhrang phu umnak hrawnghran cu bomh an chiah dih cang i, Naa, caw nih Meng pakhat a khuai sual ahcun ralhrang phu nih ting 1 an liam ter hna tiah Momauk khuami pakhat nih a chim. 1987 thawk in Kawl ralhrang phu nih an rak lak cangmi ALAW Bum sakhaan pi cu KIA hriamtlaih phu nih March 25, 2021 ni ah an lak than hi a si. Ref: Kachin View